وهذا اللي حبيته فيه ثاني شي انا اسوي هالدايت ونفس الوقت اشرب خلطة الدكتور جابر القحطاني للقضاء على الكرش
وهنيه بكتب لكم يومياتي كل يوم وشو كلت وماكلت تابعوني اول باول حبيباتي وصح امس مريت الجمعية وخذت Oat bran وخذت هوت شوكليت تروبكانا سليم وخذت روب قليل الدسم ولبنة قليلة الدسم وحليب خالي الدسم وبرجر وكباب للشوي وايس كريم لندن ديري لايت شوكلت فليفر يعني خذت كل شي لايت عشان مايقصرني شي
اليوم اول شي على الريق نص غرشة ماي + خلطة الدكتور جابر القحطاني
الريوق :- شاي حليب قليل الدسم محلى بتروبيكانا سلم بديل السكر + Oat bran cookies اربع حبات بروحي مسوتنه في البيت
سناك اول :- روب العين قليل الدسم مع رشة ليمون 
احبه حااااااامض
الغداء :- 2 برجر مشوي + واحد كباب مشوي ولبنة لايت
سناك 2 :- ايس كريم لندن ديري لايت شوكلت
رياضة :- مشيت في الحوش تقريبا 20 دقيقة كنت ابى اسوي على كريزي فيت بس انشغلت بالمطبخ اسوي لي عشى ونفس الوقت حسيت بمغص خفيف في بطني
قبل العشى بنص ساعة شربت :- خلطة الدكتور جابر
العشى سويت بعد 2 برجر دياي مشوي + بيضة مفورة + لبنة لايت
الماي اليوم الحمدالله كملت :- 2 ليتر
ادعوا لي حبيباتي وتابعوني – واللي تحاول تقنعني اغير عن هالحمية من الحين اقول لها السموحة فديتج انا مقتنعة فيها وعايبتني دوري غيري تقنعينه 
ان شاء الله توصلين لهدفج بإذن الله
انا قريت عنه من اسبوع تقريبا و حبيته واااايد
بس حاليا ملتزمه في رجيم و يوم بخلص منه ببدا فيه ان شاء الله
