ربيـﮱ عِطآج مـِن آڷحَـڷآ حڷۉ منظـَر . . ! Part 2

السلام عليكم ورحمة الله وبركاته
يسعدلي يومكن حريم وصبايا

اليوم بنزل البارت الثاني
من سفرتي لـ باريس 2024

اليوم الثاني نشينا من وقت وسبحنـآ
ولبسنا لبس اكثر ثجيل لان الجو
صقيع ><

رحنآ لـ ستار بوكس لي ف الشانزليزيه
وخذنا لنا هوت شوكلت وكرسون

وبعدهآ رحنا للمحطه لي جريب فندقنا
اقل عن دقيقه

ورحت لـ اللي فـ information
وعلمتني شقى اقص التيكت لـي تكون
فـ زون 1 و 2 و 3 و 4

وخذنا 2 تيكت لـ برج ايفيل
بـ 3.40 يورو
مآخذه احتياطي لـ خط السير
لان يكون فيه تبديل للقطار والحمدلله
مآ تلعوزنا فيه . .

مخطط الذهاب لـ برج ايفيل

التبديل يكون فـ محطة Trocadero
ونركب قطار ثاني ع خط M6 Nation

اول ما توصلين محطة Bir-Hakeim
تمشين تقريبا 5 دقايق لين توصلين للبرج

وانا امشي خذت صوره للباص السياحي

وبعدها وصلنا لـ برج ايفيل وكانت زحمه
خفيفه بس لي كرهته كثرة المتسولين
يـآ الله يا باريس مخرب عليها هالشي
ذكرتني ب جنيف والمتسولين ههه

صارلي موقف مع متسوله تدعي
انهـآ ما ترمس ولا تسمع
وفالاخير تجذب ><

بعد هالموقف رحنا نقص التيكت ما اذكر
بكم السعر المهم خذنا لي اقل
من 25 سنه
والبرج لـ الثاني بس القمه
مسكره ع حظنا
.،
هنيه صورت لكن التيكت

الجو شوي ضباب وبرررررررد
وتصادفنا مع عائله قطريه ما شاء
الله 7 صبايا وريال ههه
هذا الاخو والا بلاش

فديت خواني بعد ما يقصرون

وخذنا لكن بعض الصور من فووق

اوني ابغي اصور بإحترافيه ههه
امحق

نهر السين

لو بتلاحظون الامن موجودين
وهذا لي لاحظته ف اغلب الاماكن
السياحيه ف باريس ^^

يتبع

برج ايفيل من مسافه شوي بعيده

صوره بالزوم شووي

منظر من خلف برج ايفيل

مره ثانيه صوره لـ برج ايفيل

ومشينا شوي مسافه ابعد

اخوي متجدم وانا امشي
ع راحتي عسب اصور هع
والزحمه وآضحه

اختآروا اي اكل تبغون

يتبع

وهذا الشارع المجابل ل برج ايفيل

ومره ثانيه نهر السين

بعدها ع الظهر قررنا نرد ل الشانزليزيه
قصينا تيكت العوده وبنفس السعر
بـ 3.40 يورو

وهذا خط العوده

ورحنا لـ مطعم بينو للبيتزآ
وهاي صوره ونحن نتريا الطلبيه

والكام تخون فيه ف تصوير الاكل
والصوره مب واضحه

طلبيتي ألفرديوآ

وهآي لـ اخوي بيتزآ بالدياي

المبلغ بـ 49 يورو

بعد ما خلصنا غدى رمست الاهل
شوي ورحنا للفندق ريحنا شوي

وبعدها طلعنا ل المحطه لي بعد محطتنا
عسب نروح لـ هضبة مونمارت
ونلحق ع الغروب لان الشمس فالشتا
تغرب عندهم ع ال 5 وشوي . .

قصينا 4 تيكت ذهاب وعوده
بـ 6.80 يورو

مخطط الذهاب

نبدل المحطه فـ Saint-lazare
وناخذ M12 Porte de la Chapelle

اول ما وصلنا سألت صاحب بقاله
وين الهضبه قالي امشوا
جداااااام وانا امشي وتيي طلعه
والحاله صعبببه تعبت ونصخي
حسيته بينقطع وريولي آه اشتكن
هههه معاناه هاليوم لين وصلنا
للهضبه والجو طبعا صقييع