صبكم/مساكم الله بالف خير
هذي البنت ربيعتي من اول ابتدائي والحمدلله تمت صداقتنا لين الحين…(( الله لايغير علينا))
المهم هي كانت راده من لندن مع ابوها وامها وكملوا من ردوا تقريبا 10 ايام
المهم عقب هالعشر ايام في ريال اتصل في ابوها وقاله ابي اشوفك..
قاله الابو حياك عندي البيت (( الميلس))
المهم يوم الخميس الي طاف يا الريال بيتهم ويلس مع الابو واخوان البنت وتم يسولف ويتخبرهم عن احولهم..
عقبها ابوها ساله امرني شيخي شوبغيت وانت منو لاني ما اعرفك…
الريال قاله انا شيخ من اماره………… وبصراحه ياي اطلب ايد بنتك الي كانت معاك في المطار
وطلع جوازه وخله ابوها يشوفه وطلع الريال صج شيخ!!!!
الابو احتار وقاله نحن مب من ثوبكم انت وين ونحن وين…
وسأله كيف يبت بياناتنا؟؟
خذ الاسم من موظف المطار وهو بطريقته الخاصه طلع البيانات كلها…
وعقب قاله انا بتزوجها بس بالسر ما ابي حد من اهلي يعرف ….
ابوها سكت وقال مانبا اندخل عمارنا في هالسوالف رد عليه الشيخ وقاله بنتك في عيني…
انا ما ابي اهلي يعرفون هالفتره بس خلاف بخبرهم بس تعتدل اوضاعي…
ابوها سكت وقاله خلاص بتخبرها وباخذ رايها!!
وقال حق ابوها انه البنت دشت خاطري وانا صج اباها وتم يقنع فيه 3 ساعات!!!!
(( ما شاء الله تبارك الرحمن البنت آيه من الجمال))
البنت ترى من بوظبي والشيخ من اماره ثانيه….
البنت محتاره ومب عارفه شو تسوي؟
توافق ولا ماتوافق؟؟؟؟
هي اتصلت فيني تبا رايي واستاذنتها اني اكتبكم مشكلتها وتشورون عليها وافقت…
على فكره هي مشتركه معانا في المنتدى وتبا رايكم وبصراحه…
يزاكم الله الف خير…
وصدقيني لو شيخ باسلوبها….وطريقة تعاملها….بتخليه يتخبل عليها…لو حتى كااان شيخ…
الله يوفقها….
والله يوفقها
بس لو مكانها ! مابرضى بالسر … وخل تستخير أحسن …
المشاركة الأصلية كتبت بواسطة شفـاافـة 
بس لو مكانها ! مابرضى بالسر … وخل تستخير أحسن …
نفس الراي
و ربي يسعدها ..
************************************************** ******************************
زوااااج بالسر
الصرااحة الموضوع من البدااية مو مريح
وبعدين لو شو ما صااار بعدين لا سمح الله ما بيقدرون عليهم ومحد بيروم يفج حلجة بشي
منو يقدر يحط قرنة بقرن شيخ >>>> القوة تكسب انا تراني اقول لو صار شي
والشي لما يكون واضح فالبداية احسن واضمن
انا لو كنت مكاانها ما كنت بوافق
زوااج الســــــــر وما ايي من ورااة الا المشــــــــــاااكل والبلاوي
واعتقد ان اهلة اذا درو بيطلقـــــــهاا
وربي يكتب الى فية الخيــــــر لهااا ويوفقهااا
اقوول ختية خبريناا بعدين شو بيصير اذا بتواافق والا لا
************************************************** *****************************