بدخل فالموضوع لانه باطلي جبدي من فتره وخلاااص ابا رايكم
هذي مشكلتي مع اقرب ربيعاتي….
من فتره وانا احس احساس غريب اتجاهها خص اذا ايي طاري ريلي…
يوم انتبهت لردود فعلها قمت ما اطريه… تعرفون شو قامت تسوي… تير الكلام مني ير…
وين سار وشو سوا ومتى بيرد؟؟ عنبوه انا مرته ما اساله كل هالاسئله !!!
واوقات كثييييره ألاحظها تطريلي ربيعاتها المعرسات.. وتطري بالذات الجوانب اللي ريلي مقصر فيها مثل طلعات والعلاقه زوجيه والسعاده بشكل عاد..
احس انها تقصد تحسسني باني اقل من غيري حظ في ريلي.. وان الرياييل الثانيين مدلعين حريمهم اكثر ما ريلي مدلعني !!!! 
مع العلم اني اعرف اني احسن من غيري وااايد واحب ريلي وراضيه بنصيبي وتعودت على اسلوبه في الحياه.. والحمدلله ما اشوف انه مقصر معايه.. اكيد كل حرمه تطمع فالاكثر بس الحمدلله نعمه ..
مره كنت بسافر معاه… تعرفون انها زعلت وعصبت عليه تقولون المفروض اخذ اذن منها !!! ليش ما اعرف.!!! هل هي غيره ولا شو بالضبط.. هل البنت حاطه عينها على ريلي ..!!!!
ما اريد اظلمها في ظني… وفي نفس الوقت ما اباها تستهبلني…
كيف اتصرف معاها…؟؟ اعطيها كاش ؟؟ اسكت؟؟ كيف اتصرف ما اعرف ؟؟
بس مقتهره.. ما اتوقع انه وحده قريبه مني مثلها ممكن تكون حاقده عليه او في بالها شي !!!!
خويتي في هالزمن خافي على ريلج من اقرب الناس لج ..!!
ترانيه سامعه سوالف اتشيب الراس
يدورون على الريال المعرس ..
مابغيج تظلمينها .. بس حاسبي ولاتطرين ريلج .. لا بالشين ولا بالزين
حبيبتي تحملي ترا الحين البنات قامو ياخذون رياييل ربيعاتهم
والله يمرر هالسالفة على خير ان شاء اللله
تحملي تحملي ولاتعطينها مجال موول تاخذ وتعطي وياج بهالخصوص والله يخليكم لبعض يارب ويبعد عنكم شر حاسد إذا حسد