ربيعتي والكويتي

خواتي ..
ربيعتي تدرس برع البلاد .. ..
معاها بالجامعة واحد كويتي .. خطبها ..
وهي الان في الاستخارة ..
لكن انا قلقانة على ربيعتي .. شلون بتعيش ..
بلد غريبة وناس ماتعرفهم ..
احاتيها طول الوقت .. وهي من كم يوم كانت تصيح وتقلولي انا خايفة ..
هو ما ينعاب .. خلوق .. ويعرف ربه .. ويدور الستر ..
لكن انا ماعرف اي شي عن الكويت ..
وتقول هي تعرفة لما كان ببريطانيا .. بوسط اهله هل هو بيتغير ولا لا ..
انا احاتيها .. وخايفة .. تروح .. بدون ربيعات .. ولا اهل ..
يدتي الله يرحمها كانت تقولي .. العروس لين طلعت من بيت اهلها يودون معاها وحدة من اهلها تيلس معاها شهر لحد ما تتعود علي بيت الريل .. واللحين البنت تروح بدون اي انسان .. ومع انسان ما تعرفة .. ولبلد يديد وناس يديده ..
خواتي منو تعرف شي عن الكويت تخبرني اياه ..
ربيعتي بتروح عني ..

وين اهلها وكيف خطبها وهي بالغربة ؟

ماعرف شو اقول غير الله ييسر الامور

أتمنى خواتي يساعدونج انا عندي أخوي ف الكويت وماجاف منهم إلا كل خير ..يعني الكويت ييرانا وماعليهم شي صراحــهـ وبالعكس انا احب الكويت ..

بس بعد أنصحـــج جوفي راي الخوات وعقب يصير خير إن شاءالله ..~

دمتي بحفظ الرحمن ..~

ماشي غير الاستخاره إذا هو صدق يبغيها وبيحشمها وبيكرمها ماشي خووف..

انزين وين اهلها ؟؟
وكيف خطبها ؟؟

وهل اهلها موافقين والا لا ؟؟

خلا تستخير ختيه ..

خليها تصلي استخاره وتشوف و بيطلع لها ..*

بتكون صعبه واايد تروح لمكان بعيد عن اهلها وماتشوفهم الا في المناسبات

بس اذا الريال ترضون دينه واخلاقه وافقي ياختيه هالوقت ماتلاقيين حد جيه

وان شالله ربي بيسهل امورج وبيوفقج معاه ان شالله …*

شاوري كل اللي تعرفينه والراي اللي اكثرهم قالولج اياه خذيــــه

وعين الله ترعاج الغاليه