شخباركم وعلومكم عساكم بخير
انا عندي مشكلة ويا ربيعتي
ربيعتي من ايام الروضة وانا وايد احبها واعزها حتى اكثر عن خواتي لانها كل شي بالنسبالي
خلصنا دراستنا وانا تزوجت الحمدلله بس هي للحين تدرس
ربيعتي تكلم اولاد
مب ولد واحد ولكن اولاد
يعني كل شهر تكلم واحد
وكله تخبرني وانا دوم انصحها
بالامانة هي بس ترمسهم بالفون
تصدقون تقريبا خمسة خطبوها وترفضهم عسب الاولاد اللي تكلمهم بالتليفون
والله نصحتها وكلمتها وماشي فايدة
لا حياة لمن تنادي
كله تقولي انها تبا تتزوج واحد من اللي تكلمهم وماتبا واحد عن طريق الاهل
وتعتبر اللي متزوجة عن طريق الاهل وحدة متخلفة وتدمر حياتها لانها رضت تتزوج واحد عن طريق الاهل
هي تبا تكلم واحد بالفون وتحبه ويحبها وعقب يخطبها
بس هي كل شهر تكلم واحد
احس تفكيرها شرات الاجانب
قلتلها تزوجي وعقب بي الحب بينكم
قلتلها تزوجي واحد عن طريق الاهل احسن بيحبج وبيستر عليج ولا تتزوجين واحد تكلمينه بالفون ويدمر حياتج
بالامانة هي على هالحال من اربع سنوات تقريبا
وانا مليت ولاعت جبدي من كثر ما انصحها واكلمها بس ماشي فايدة
اربع وعشرين ساعة تتكلم بالفون
احس انها ضاعت خلاص بس والله غامضتني
والله انا اعرف كل اهلها واعرف امها وايد طيبة وتحبني وايد
والبنت يتيمة وبنت ناس ومعروفين بكل مكان
وسمعتهم وايد زينة
ماعرف شو اسوي
حتى اخوي قالي انه يبا يخطبها ويوم قلتلها قالت مابا واحد من المنطقة اللي انا عايشة فيها
ابا واحد احبه ويحبني وارمسه بالفون وغير جي اسمحيلي
والله تعبت وياها
ما اعرف شو الحل
الله يهديها والله غامضتني وايد
تقولي ما اقدر اني ما اكلم اولاد خلاص انا تعودت جي تقولي
خلاص تعودت ولو يمر يوم واحد بدون ماتسمع صوت ولد بتتخبل وبيصير فيها شي
بليز ساعدوني ماعرف كيف اتصرف
حرام بتضيع حياتها
اسمحولي طولت عليكم
هذا زمن غير..تنسى انها تكلم شخص بعدين يتزوجها..يتسلى عليها ممكن لاكنهم يتزوجونها مستحيل..
الغـــــــــــــــآلية سويتي اللي عليج و زود و اذا تشوفين اهلها من النوع المتفهم حاولي تشرحيلهم
الموضوع..
و الله يهديها و يستر عليها و علينا..
لا اله الا الله محمد رسول الله..
شقولج بس . هذا تفكير بعض البنات في هالزمن ..
يتوقعون انه شباب الحين مثل زمان اول …
انصحيهآ ..و قولي لها هذي اخر مره انصحج
و اذا بتستمرين على هالحال .. اسمحيلي ماتوقع بكون معاج مثل قبل ..
حاولي تحسسينها بانه اللي تسويه غلط × غلط
حاولي تعطيها قصص من بعض تجارب البنات اللي كانوا يرمسون شباب
الله يصلحها يارب
يعني خلاص تعودت ترمس
بس في طريقه ثانيه ممكن تنصحينها
ممكن تهدينها شريط قرآآن يعني انتي تكونين قاعده وياها وتشغلينه يمكن تتاثر
ممكن تيبليلها قصص ناس كانوا مثلها ووين وصلوا اخر شي يعني ما صار اللي بغوه
مممم بعد شوة مافي شي في حياتها ممكن يلهيها غير هذول اللي ترمسها
حسيت من كلامج انه 24 ساعه ترمسها
وادعيلها ان الله يهديها ويستر عليها
المشاركة الأصلية كتبت بواسطة ضاع عمري وراك 
يعني خلاص تعودت ترمس
بس في طريقه ثانيه ممكن تنصحينها
ممكن تهدينها شريط قرآآن يعني انتي تكونين قاعده وياها وتشغلينه يمكن تتاثر
ممكن تيبليلها قصص ناس كانوا مثلها ووين وصلوا اخر شي يعني ما صار اللي بغوه
مممم بعد شوة مافي شي في حياتها ممكن يلهيها غير هذول اللي ترمسها
حسيت من كلامج انه 24 ساعه ترمسها
وادعيلها ان الله يهديها ويستر عليها
الله يهديها ويصلـــح من حالها ><
غاليتي 
للأسف ربيعتـــج مقتنعـــة بالشي الي تسويه ,, ومب راضيـــة تتغيـــر
يعني يوها عرسان وتردهم حق الي ترمسهم بالحرام !
غاليتي " لا يغير الله مافي قوم حتى يغيروا ما بأنفسهـــم "
عليج بالدعاء لها في ساعات الاستجابة وخاصة قيام الليل اذا تعزينها
طرشيلها مسجـــات دعويــــة .. وايميلات ولاتقصرين من صوب الارشـــاد
لكــ، ابعدي عنها خيتو لإنها بتأثر عليج على المدى البعيـــد
هي مستانسة من الي تسويه ونحن مانقدر نغير الناس نحن نتحكم في أنفسنا لا غير
واذا قدرتي تخبري عليها حد من أهلها فهذا حل دامها هي 4 سنوات نصيحـــة مانفعت وياها
والله يهديها شو بنقول …
><