ربيعتي قصتها قصه . . تفضلوا معايه وساعدوني في حلها يالمتزوجات !

هي طيبه وايد متنقبه ملتزمه وحتى وايد تنصحني وتنصح خواتها
وماشوف فيها عيب ماشاء الله عليها وجميله وايد ماشاء الله واطيع ريلها ف كل شي
ومب مقصره ف شي مول
وصابره على كل شي وماترمس بس حبيت اطرح المشكله يمكن لها حل . .

لا حول ولا قوة إلا بالله

غاليتي

ربيعتج أنا ما اشوف عندها مشكلـة غير سالفـة المصروف ..

فعلا العباة يفضل ما تلبسين تحتها بنطلون لإن أقل ريح بياخذ العباة وبتبين ملامح جسمج تحتها ^_^

فأكيد هو من غيرته عليها وحبه لها

ولإنه يعرف ان دين يقول لا يصف ولا يشف .. ^_*

يشدد معها على هذي النقطـة

والمسلسلات اختي لا تودي ولا تييب

كل الي تسويه تسمم بيوت المسلمين للاسف

بالدراما والخبث وتحسس الواحد ان الدنيا ما فيها خير !

وان ماشي بنت بنت الناس كلهم يرمسون شباب !

ولا في ريال يخاف ربه كلهم مجرمين >_<

رغم ان الحمدلله مهما استوى الدنيا حلوة

والإنسان لازم يكون إيجابي ومتفائل والمسلسلات ما تساعد ^^!!

وزين الحمدلله ان هو مهتم بهذا الشي وشكله عنده وعي بهذا الخصوص

ولازم تحمد رب العالمين ان ريلها فيه ذرة غيرة على دينه

لإن غيره يطلع هو وحرمتـه شرات العروسـة الاسواق ولا تهتز نفسـه ويسمى الديوت !

بخصوص المصــروف ^^

فما فيها شي إذا طلبته ,, بس إذا ماكان مقصر معاها بشي

يمكن تأجل السالفـة شوي لين يتعودون على بعض أكثر ^_^

بس غاا في تقصير في الصرف تكلمـه ما فيها شي

واذا استحت تخلي حد عاقل من أهلهم يكلمـه

وأهم شي اذا بتلتزم دينيا لازم تعدل نيتها

وقبل لا تسوي هذا الش لريلها تسويه لرب العالمين

وترى أي موضوع أختي عنده جانبين ايجابي وسلبي

اذا ركزت على الإيجابي بتسعد وبتستوي فخورة بريلها ^_^

واذا ركزت على السلبي بتتعس وبتستوي تشوف كل شي ظلمـة ..

وأنا أنصحها تاخذ الموضوع من منطوق ديني ومن منطق ان ريلها يحبها ويحاتيها

ويعينها في دنياها عسب ان شاء الله يلتقون في الجنـة ^^

وسالفـة الطلعـة هي فترة وبتعدي

مع العشرة ان شاء الله ثقته فيها بتكبر وبتستوي تسير بيت أهلها وتطلع للأساسيات

وربي يقدم لها الي فيه الخير

اللّهُمَّ اجْعَلْ أَوَّلَ يَوْمِي هذا صَلاحاً وَأَوْسَطَهُ فَلاحاً وَاَّخِرَهُ نَجاحاً ، وَأَعُوذُ بِكَ مِنْ يَوْمٍ أَوَّلَهُ فَزَعٌ ، وَأَوْسَطُهُ جَزَعٌ وَاَّخِرُهُ وَجَعٌ .