ربيعتيه و ريلها و الغيرة

ربيعتي العزيزه عندها مشكله بسييييطه جدا

مشكلة ربيعتي مب مشكله عادي يعني بس تحتاج اراءكم و توجيهاتكم الحكيمه

ربيعتي توها مالجه من مده قصيرة

هي اهلها ملتزمين لكن مب صااكين عليها وايد في اللبس و غيره بس الحجاب حجاب

ريلها غيوووور واااااايد و عصبي ( و العصبيه بسبب الغيرة )

بس يحبها و هي بعد تحبه و متعلقه فيه

الغيرة من الجنسين الانثى و الذكر هههههه

يعني حتى عند الحريم ممنوع حتى الكم القصير و النحر ما يبين و ما تلبس قصير و مافي شي يرسم الجسم و لا شفاف

البنت كانت تلبس عند الحريم قصير و كت و فساتين عالجسم و تحب البناطلين و اي شي يحدد خصرها

قالت احاااول قدر ما يمكن صح انا ما البس عاري وايد بس عندي وايد فساتين قصيرة لكن ركبي ما تبين و فساتين عالجسم وعاري حق الاعراس و غيرة

قالت انا كيف بسوي هالشفت مرة وحده احسه صعب عليه اني اغير لايف ستايل مب ستايل بس !!

بس كم مره تزاعلوا على اللبس طبعا هو يزعل و يعصب بس ما يواقع بالفون كله مسجات

بس يتراضون ما تخليه يبات زعلان

و توعده ما تكررها و تحاول حاليا اشترت كم قميص بكم طويل و تنانير طويله

هي عايبتنها غيرته عليها و انها ملكه من هالكلام

بس تقول انا احب بعد اكشخ عند البنات و غيرة

و في نفس الوقت انا عشت 23 سنه عالهموال ايي فجأه اتغير الموضوع يباله صبر و ياخذ وقت

و العبااه قال لازم مسكرة عاد هي الحمد لله عبيها مسكرة و نادر ما تلبس اي شي فيه شغل لانها ما ترتاح

و لازم وسييعه ^_^

قالت الحمد لله عبيه مب ضيقه و الحينه نازله موضه هالعبي الوسيعه عند الصدر و البحريني و غيرة

قال ميك اب مافي و هي ما تحط كانت الا مسكرة وسن بلوك و المسكرة ودرتها في الدوام

قالها ممنووع الكعب

هنيه قالت لاااا لا يمكن ( في مخها ما قالتله طبعا )

انا ماقدر طووول عمري معقدني طولي و احب الكعب ما خليت شكل ما لبسته و لا نوع كيف يعني البس سطاحي

بس قالتله من عيوني و تحاول خذت لها كم واحد سطاحي على تلبس من عند اختها مرات لانها اطول عنها ههههههه

قصي ضفوووورج

قالت له آمر انته بس و قصتهن

مرة طولت ظفورها شويه و نست تقص احتشر عليها !!

العطور ممنوعه طبعا هي ما تتعطر في الدوام و برع لانها تعرف حرام و هو قصده انه عن غير المحارم ممنوع

الحين هي متقبله و تحاول قدر ما يمكن انها ما تزعله و تلتزم بكلامه و ما تضايقه او تثير غيرته

لانه بعد كم مخالفه ( تسميها مخالفه لانها تحس انها في مدرسه )

قالها كلمه كسرت راسها ( اذا انا في هالامور البسيطه ما اقدر اثق فيج كيف بثق فيج في الامور الاكبر منها )

طبعا هي انصدمت و نزلت راسها و دمعت عينها قدامه( اهم شي التصوير السنيمائي ههههههه )

و قالت له: كيف يعني ؟ انت ما تثق في أخلاااقي !!

قاللها: يهبه ابد ما قصدت هالشي يا فلانه و لا لو في ذرت شك ما كنتي على ذمتي للحين

انا قصدي انه الحب أساسه الثقه و انا ثقتي فيج عميا لكن اتكلم عن كيف بثق انج بتعرفين تديرين بيتنا و امورنا

و اتكل عليج

قالت : صح حقك عليه انا آسفه و ما عاد اعيدها

و تراضوا

الحين تفكر و تفكر و تفكر : كيف بيكووون شكل فستان عرسي !!

هاي نك و كم طويل ؟؟

كيف بلبس في عرس اخويه هاي نك و كم طويل ؟؟

قالت انا ما يهمني الناس

انا هو يهمني و انا اسوي الشي هذا عن قناعه و مرتاحه

بس انا عروس ابا اكشخ كيف بيكون فستاني ؟؟

العرس بعده ما تحدد لانه بيسافر عنده دراسه

اممممممممممم

تبا تعرف لو وحده في حالتها الحينه او عايشت هالوضع

كيف تعايشت مع الوضع و شو صار بعدين كيف كان فستانها

بنت عمها تقولها اختي كان ريلها جيه بعدين خلاص هو تعودت وهو خف شوي شوي

انها تقوللها ترا ابوج و يدوودج كانوا جيه بس خفوا

بس هي تشوف ريلها و تقارن و تقول لا مستحيل هذا حتى من الحريم يغار ما اظن يتغير !

بس قالت: ما عليه انا ما يهمني بعدين انا يهمني الحين شو اسوي ؟؟

انا قلت: لها روحي معاه عند المصمم و خلليه يشوف و يختار معاج و انتي حبه حبه اسحبيه بالكلام لول

قالت: لا يا ماما هذا ناااار ما يتقبل اي نقاش في هالموضوع و خايفه تفتح معاه موضوع الفستان من اساسه

انا اشوف الموضوع سخيف بس صدق ما عرفنا نحل الموضوع هي ما كلمت امها و ابوها لانه

ابوها و امها يقولون : لها هذا ريلج و اللي يقوله تسويه و هو ما قال شي غلط و طلب منج منكر

و امه: تقول هو غيوور و يعصب بس طفل صغير و حمل وديع هههههههههههه

طبعا كلامهم عين الصواب وهو ما سوا شي غلط بالعكس عشان جيه هي لو اعترضت بتكون اصلا غلطانه

تقول: حد ما يحب الستر .. الستر زين و انا اريده و عاجبني و مقتنعه

شو رايكن يا بنـــــــــــــــــات

صح اللي مايغار شرات الخنزير لكن مو حلوه الغيريه اللي تخلي الغير شرات العنز والسموحه الغاليه

عيل انا اشوف انه هو مايثق فيها والدليل ان كل شي ممنوع حتى لو عند حريم حشاااا هي ماغلطت

شو هالمنطق !

خل يكون لربيعتج رااي وخصوصيات بعد مب كل شي هو يقوله يستوي وتصير طينة يشكّلها على كيفه

باجي يقولها مابا شخصيتج جيه خليها جيه والا مابثق فيج عجب

الكلام سهل لكن التطبيق صعب !!