بنات حبيت أسألكم وتساعدني وتسهلون عليه باءجاباتكم
هذي مب اول مرة اروح العمرة
بس كل مرة أسوس واحس انه عمرتي مب صحيحه
أنا ان شاء الله يوم الأربعاء المساء الساعه 1:30 مسافرة يعنئ بيكون الخميس الفير واصله المدينه المنورة بإذن الله
بنيلس الين الاحد وعقب بنتحرك الأداء العمرة ان شاء الله الين يوم الجمعة وبنرد الليل
* اللي أبا اسأله من فيكم اعتمرت وعندها ياهل بسنتين ونص وخالته كيف كان شعورها وهي تخليه اول مرة (أنا عندي بنت متعوده عليها ولا مرة رقدت بدوني والحين مضطرة اخليها عند خواتي وأمي ومرات ويه عمتي بس لانه الفترة كبير 9 ايام أخافها تذكرني وتم اتصيح مع انها يوم اكون وياها في بيت أهلي عادي تيلس وياهم بساعات ماتشوفني وهي تحبهم وايدوخاصه لانه في يهال هناك شراتها عكس بيت ريلي مافي حد ياهل غير ولد عمها صغير عمره 7 شهور / وانا عن نفسي بحاول امسك نفسي وأتعبد وما افكر فيها و قلت بتواصل وياها ببرنامج أسكايبي بالفيديو شو رأيكم ؟ حلوة الفكرة
على فكرة وايد قالولي لاتشلينها وياج بس مرات أتردد وأبا أشلها بس احس أني بلتزم وياها فالوقت النوم واذا تبا تبديل حفاض لانها تلبس الين الحين
بعد البرد ان شاء الله ببدا أفج عنها
* وشي ثاني أبا أسألكم شو الاشياء اللي لازم أسويها وشو اللي لازم اتجنبها
وشو يفضل اسوي فالمدينه وعند دخولي للحرم وكيف فالروضة والصلاة هناك ومتى اكون هناك اي وقت افضل و ادري كل الأوقات زينه
* وثالث شي بما أني بيليس فالمدينه ان شاء الله 3ايام ونص شو الاماكن اللي لازم أنزورها ( مزارات دينيه )
ونفس الشي في مكة بخلي يوم أنزور اماكن دينيه ونشوفها
اللي راحت اتخبرني الاماكن وكم يبعد عن الحرم أنة كان في المدينه او مكه
* رابع شي هل يجوز اتستخدام الصابون والشامبو أنا وريلي اذا اعتمرنا
* سمعت انه في مكان اسمه بئر ومسجد الروحاء ويشربون منه الماي ( لقيته فالنت بعد )
اتمنى ما اكون طولت عليكم وغثيتكم باسالتي ان شاء الله تفيدوني وغيري يستفيد منكم
ومشكورين واللي ما عندها رد ع الاقل ترفع لي الموضوع لو بدعوة
هو هذا الي معطيني دافع شوي انها بتكون ويه الاطفال وبتتسلى
ان شاء الله الدعوة بتكون لكل المسلمين وانتي منهم الغاليه
أكيد متعودة على خالاتها ^^
بالنسبة للأماكن في المدينة .. أول ما توصلون زوروا المسجد النبوي والروضة
الروضة ممكن أحسن وقت الصبح .. في آخر زيارة لنا للمدينة أعتقد فتحوها ع الساعة 7 ونص !! ما أذكر بالضبط
ومن عند المسجد النبوي تقدرون تطلبون سيارة مع مرشد يكون عارف المنطقة ويعطيكم معلومات عن كل مكان ويخبركم قصة المكان
( أحيانا السائق نفسه يكون المرشد وياخذ بس 100 ريال )
رحنا جبل أحد وشرح لنا القصة كاملة ،، ومقبرة شهداء أحد ، وموقع غزوة الخندق ولها اسم ( منطقة المساجد السبعة ) ، ومسجد القبلتين ، ومسجد قباء
ف مسجد قباء نزلنا صلينا ،،
قال النبي صلى الله عليه وسلم ( صلاة في مسجد قباء كعمرة ) ،، فاغتنمي الفرصة واحرصوا على الصلاة فيه 
وفي مسجد القبلتين صلينا ركعتين ..
وبالنسبة للاماكن في مكة ،، ثاني يوم رحنا لمسجد السيدة عائشة رضي الله عنها ..
إن شاء الله تكون عمرة مقبولة وتخلصين فيها .. الله يسر دربكم ودعواتك لنا عزيزتي
واذا بنتج متعوده على اهلج عادي فديتج خلها عندهم
العمرة ويا اليهال معاناه اساليني انا