راحت عني بس ذكرياتها عندي .

فجأة انآ انقطعت عنها لاني سافرت 3 سنين ورديت .. !

وأول ما رديت .. أتصلت فيهاا قلت بزورها متولها عليها وآآآآآآيــد

ويوم اتصلت ردت علي اختها التوأم .. قلت وين فلانه قالت عطتج عمرها !!!!!!!!!!!!!!!
ماتت بـ جلطة صابتها في المخ !

عبالي السالفة مزح .. قلت عن المصخرة … فلانه وعدتهاا ما تروح عني ولا تبتعد وهي وعدتني نتلاقى بعد ما أرجع من السفر .. عطيني اياااها

قالت فلانه والله ماتت !!

قلت مستحيل لا تكذبين ~ عطيني اياااهاا

قالت والله ان فلانه ماتت قبل 7 شهور بـ جلطة صابتهاا وياها نزيف حااااد !!؟

آآآآه .. ليتني رجعت البلاد قبل 7 شهووور

ما صدقت .. لكن الواقع يجبرني اني أصدق .. اسبوع وانا أصيح .. كآنت وياي بكل حلوة ومرة .. كل لحظة انا أواسيها وتواسيني .. كنا ايد وحده .. كنا ربع وللناس تحسدنا على الصداقة ..

ما أسوي شي بدون شورهااا .. حتى اني ما عرست لانها قالت لي حققي حلمج ودراستج انا وانتي بنكون محاميات .. وبنفتح لنا مكتب محاماة .. وبنكمل دراستنا العليا ان شالله !!
والزواج لا حقين عليه !
ْْ…

ويوم سافرت حتى ودعتها وقلت لها ان شالله برجع مب تنسييييييييني .. قالت (الله يرحمهاا ) ما بنساج دام اني عايشة
واذا مت سامحيني .. قلت لها لا ان شالله ما تموتين لين أرجع لج

وكل المناقشة هاي كانت ضحك ومجرد سوالف

سبحان الله ..

من رديت ..!!

سمعت بخبر وفاتها ..

بعد 3 سنين

تتخيلون كم عمرها وماتت بجلطة دماغية !!

عمرها 18 سنة !!

انا سافرت عنها يوم عمري 15 سنة وما رجعت الا عمري 18 سنة البلاد

ماتت بالجلطة فـ عمر 18 سنة !!

تتخيلون وياي انها ماتت !

كان حلمهاا تتخرج من الثانوية !!

كان حلمهاا تدخل الجامعه !!

كان حلمهاا اكبر عنهاا . كانت تبي تكمل ماستر قانون برع البلاد

بغت أتكون محامية عشان تحل المشاااكل في عايلتهااا

بغت وبغت وبغت …

لكن !!

إرادة الله فوق كل شي

لين أحين أحس السالفة كذب .. ما ماتت .. مستحيييل ..

كيف ماتت وانا ماعرف .. ولا حد خبرني .. ولا حد قالي شي ..!!

رسايلها عندي

والله رسايلها عندي من كنا في الابتدائية .. والاعدادية ..

مسجاتها عندي .. صورهااا عندي..

حتى رقم السري حق ايميلهااا عندي!!

حتى الوردة اللي عطتني اياها يوم كنا صف سادس .. والله بعدهاا عندي ذبلااانه .. وذبلت أكثر لما راحت عني ..

محتفظة بكل شي يخصهاا ..

حتى المسمار اللي عطتني اياه يوم كناا صف رابع .. قالت بنشوف منوو يقدر يحتفظ بالمسمار اطول مدة ..
والله اني خشيتها تحت ملااابس

وشليتها وياي السفر مدة 3 سنين ..

احين انآ عمري 19 سنة … والمسمار بعده موجووووووووود عندي !!!!!؟

كنا ناكل بطاطس عمان مع دقوس على الريق !!

كنا نروح الدكان ناكل آسكريم توت على الريق !!

كان غدانا وريوقنا وعشانا كلللله حلويات !

كنت أيلس في بيتهم من 12 الظهر لين 12 فليل !!

24 ساعه مع بعض

صديقة عمري .. وحبيبتي .. راحت عني !

شو تبوني أسوي .. وكيف هي حالتي أحين

كل يوم أقرا مسجاتهااا

مرة تقول "عيوووووووووونج الحلوة"

مرة تقول "اشتقت لج دبة وييينج اتصلبج ما تردين "

ومرة تقول " اليوم رايحة بيت عموووووه ان ييتي بيتنا دخلي غرفتي عادي حطيت المفتاح عند البشكارة "

ومرة تقول " أبلة حمدة عطتنا وااااااااجب وانا مصددددعة مب قادره احلة .. شو راااايج تين عندي ولا أييج نحله رباااعه ونسوولف "

ومرة يوم قصيت شعرية شرات الاولاد وايد قصير قالت " ايييييييه يا حمااارة ليش قاصة شعرج جذا لا يكون تبين تستوين ولد .. حرااام انتي حلوة ورقييييقة "

تميت أضحك وأقولهااا مينونة أنتي .. بس شعري وايد خفيف وان شالله يطول هالمرة غلييظ

ومرة تشكي الحال وتقول " زهقت من بيتنااا ومن المشاكل ليتني انا وانتي نعيش في هالدنيا بروحناا وليتني أختج واهلج هم اهلي "

ومرة تقول " متضااااااايجة خاطري أصيييح "

..

رحتي عني لكن ذكرياتج عندي ..

وحبيت أكتب عنج في هالمنتدى وكل العالم يعرف انج كنتي أغلى وأطهر انسانه في هالوجود
كنتي أحلى شيخة ..

وما غلطت امج يوم سمتج شيخة .. لانج صدق شيخة البنات وشيخة كل النــآآس

..

مثل ما كنت أحبج .. بظل أحبج .. رحتي عني جسد .. لكن روحج باقية عندي .. وعمري ما لهيت عنج
وقدرج موجود عندي مثل ما كنتي

| كيف توفت .. وكيف صار كل هذا .. عرفته أول رحت بيتهم بعد شهر من قعدتي في البيت .. بعد شهر من التفكير واني ما مصدقة .. بعد شهر من صياااااحي .. بعد شهر من كل هذا عرفت شيخة كيف ماتت .. وشو السبب ..
دخلت غرفتهااا .. شميت ملابسهاا .. شبريتهاا .. أمآكن يلساتناا .. كمبيوترهاا .. صندوق رسايلناا

وعدوني انه محد يدخل غرفتهااا .. محد يشوف رسايلنا .. لان حتى شيخة ما كانت تحب حد ينبش في أغراضها غيري .. محد غيري انا .. يلست أقرا رساله رساله .. وعيوني تدمع والله |

أآآآآآآآه .. آلله يرحمج شيخة .. ويغفرلج ويغمد روحج الجنه آمين يا رب

صديقتج الوفية دوما
M