++ ذكريات رمضان شاركينا وخلينا نعيش الأجواء ++

تسلمين اختي على موضوعش الشيق
والله ذكرتينا بايام زمان كان الجيران كلهم يتجمعوا في بيتنا عشان الفطور الرياييل بصوب واحنا بصوب وكنت انا وربعاتي وعيال الفريج نجمع النبج وننطر الاذان علشان نفطر وكانت الوالدة دايما اتقول الناس تفطر على تمر ولبن واحنا نبدأ بالنبج ايامها ما كنا نحس بالحر نرجع من المدرسة ونحوط صح نحس بالعطش بس مستانسيين عشان رمضان والله ايام ما احلاها
اذكر الوالدة كانت تروح التراويح وتقولي انتي جهزي الحلويات وكنت اطبخ الحلويات الشعبية بانواعها وايامها كنت صغيرة بس ما شالله علي كنت فنانة بالطبخ احم احم

تسلمين على الموضوع المشووووق ..صراحه يوم كنا اصغار نتمتع برمضان ولياليه الحلوه.ايام رمضان قبل احلى واحلى الناس متساويه واحلى الذكريات مازلت ذاكرتها الضهاري ندخل المجلس على ابوي الله يرحمه برحمته ونجلس انشاهده وهو يقراء القران وترتيله الحلو حبيبي الغالي..واخواني يسون غبقه(عزيمه شباب )كنها سحور قبل الساعه 1 الفجر كل ليله عند واحد من الشباب..وانا وخواتي بعد التراويح نروح مع الوالده اي بيت ونتجمع وسوالف(طبعا مع الزط)قصدي الاكل..وكنا نتنافس من اللي يجسم اويوزع الفطور على الجيرا فتلاقي الشوارع مليانه بنات كلن شايل صينيته ويوزع ((وهذا اكثر شي فاقدته هالسنين))وبنات الحين يقولون فشيله انوزع على الجيران ..اخخخخ صدق ايام وذكريات حلوه..دوووووم اتذكرها لقرب ارمضان..واحن لها واستعدادي الحين نجهز له بالشراء وتفصيل الجلابيات وتجهيز وصفات حلى للتنافس هههههه(بيت اهل الزوج)الله يبلغنا وياكم ارمضان..

اسلمتي يالغالية على هذا الموضوع الرائع والي الواحد مستحيل ينساه……
اذكرنشتنى على السحور كيف امي تتعب عشان اتقعدنا نتسحر
اذكر كنت صغيرة ابغي اصوم بس عشان يخلون افطر وياهم وكنت احب اكل الكستر والجلي اما في الايام العادية ماكنت احب اكله .. وكنا عكس الناس الناس تفطر عيش وتتسحر خفايف اما في بيت اهلي ولين الحين يتميزون فيهاانا يتسحرون عيش ويفطرون خفايف …..اتمنى لو يرجع ايام زمان بس ادري انه مستحيل…

تسلمين على الموضوع الحلو00000

رجعتي ذكرياتنا الحلو …..

اذكر يوم ارجع من المدرسه اخطف من سكت بيتنا عشان ألقط نبج ههههههه

عشان آكله فالليل وأمي تحلفي قووولي والله مافطرتي وقعد احلف اني مافطرت

وحلات الفينتو باااارد فيه ثلج ولا التانج بالبرتقاال شرط والسمبوسه

اكلات المشروطه على الفطور …ربي يعينا على صيامه وقيااامه وختم القرآن

أشتقت لايام الطفوله فى رمضان يوم نوزع الاكل على الجيران ونفطر ويه جارتنا مع الوالده الله يرحمها كانت أيام حلوه وافتقد أمى الغاليه الله يرحمها 3 سنين وماهى معانا فى رمضان كانت تفطر معى انا وعيالى اللهيبلغنا رمضان كل سنه وكل حول امين ومبروك عليكم رمضان وبصحه وعافيه

بارك الله فيج اختي

موضوعج خللللللللللللليط من الافراح والاحزان

اياااام زماااااااااااان كل شي فيه غيررررررررررررررر

والرمضااااااااااان غيررررررررررر غيررررررررررررر نحس به وبجوه الايماني

وانا شراتكن اشتقت اودي لجيرانا الفطور واجب اشوف الناس ايببون لبيتنا

بس هالزمن حسافه والله اذكر جيرانا ودينا لهم الفطور وانا انتظر الصينيه تخيلوووووا شو يسوون

الاكل اللي نودي لهم يعطون لجيرانا الثانيين كشفتهم

من يومها ما نوديلهم

عسب جي بطلناااااااااااااااا نودي للجيران كله نودي المسجد

اشتقت لصلاة التراويح والقيام في عشر الاواخر

الله يبلغنا رمضان هالسنة جميعا