يعني لي تقريبا من السنه الطافت … وانا اريد ادرس لغات برمجه لان تعرفون القصه تخصصي اي تي كمبيوتر
واحس نفسي متخلفه من يوم ماتخرجت … وفكرت ان لغات البرمجه مهم اتعلمها….واعرف الاساس ومني مناك
…. المهم
قبل ماامي تمرض … بدات اتعلم من كل بستان زهره … نزلت برامج… وسيرفرز للغات البرمجه php وبعد mysql وبديت اتعلم
وحبيت الشغل …. ودرست شوي جافا وبايثون ومن كل شي زهره مثل مايقولون وبعد html ,javascript
بعدين امي مرضت … وفكرت اني خلاص ماابقدر ارد ادرس من اول وجديد … بعدها تحسنت الحمدلله
ورديت … حسيت انشط واحسن … بس قطعت مثل العاده شهر شهرين…. والحين يوم رديت … احس نفسي نسيت وان
لازم ابدا من اول وجديد!!! وشغل صعب!!
صح لازم الواحد يلتزم بلغه وحده….. بس انا احس كثيييييييييير فاتني
والحين بحاول التزم php على اساس حسب مايقولون الاسهل …وسهل الانتقال من بعدها للغات ثانيه!
بس حاسه ان مافي وقت وخلاص …ولازم ادرس كثييير اشياء !! واني مب متميزه خلاص!!!
يوم درسنا ايام الجامعه كان اساسيات … بس الحين الناس تريد اكثر حرفيه وتعمق … متى بتعمق مااعرف!!
<color =red> والمشكله اني اقدر اتعمق … من زمااااااااان بس مشكلتي اني اقطع كثير …. </color>
مااعرف كيف احل الحاله هذه!
وحطي الجدول ع اساس هالشي وامشي عليه وبتلقين عمرج خلصتي المطلوب منج ف
الوقت اللي انتي حددتيه
عندي ي…. يعني اتشجع واشتغل بعديييييييييييين اترك!!!
هنا المشكله… بس بحاول….
بحاول ابدأ من جديد php عشان يضم اشياء كثيره … والباقي الله كريم! بس خساره الايام الضاعت وكل مره اقطع فيها!
يعين بقسم لدروس صغيره… بس يكون منها فايده… وافرغ في ورقه …. بهذه الطريقه اكون انجزت وصار عندي مرجع …. امي خبرتني بعد
ان الناس مب كل شي في يوم واحد … شوي شوي ياخذون الدنيا!!! لوووول امي خلاص استوت مرشده تنمية بشريه من وراي!! خخخخ
صباحج ورد
تعرفين وين المشكلة ؟ انج يالسه تحبطين عمرج ! خذي الاموربطريقه ثانيه من تحصلين وقت وعندج قابليه انج تدرسين ادرسي لا تاخرتي ولاشي الدنيا ماراح تطير 
ومثل ما قالت اختنا مراسيل قسمي كلشي ضمن جدول وامورج فالروب
وبعدين حطي في بالج شغله اذا انتي حاسه ان هالبرامج اللي تتعليميها راح تستفيدين منها واصلي عليها
اما اذا حسيتي انج ما راح تنتفعين منها انا اقولج طبيها .. لان العلم مطور وبالذات في مجال التقنيات كل يوم يطلع علم يديد واختراع يديد
بختصار لازم تواكبين عصر التكنلوجيا وتتابعين كل يديد عشان تمشين صح
المشاركة الأصلية كتبت بواسطة ماحد شراتي 
صباحج ورد
تعرفين وين المشكلة ؟ انج يالسه تحبطين عمرج ! خذي الاموربطريقه ثانيه من تحصلين وقت وعندج قابليه انج تدرسين ادرسي لا تاخرتي ولاشي الدنيا ماراح تطير
ومثل ما قالت اختنا مراسيل قسمي كلشي ضمن جدول وامورج فالروب
ههههههه اختي ماحد شراتو…. روب روب روب
ان شاء الله … حلو الواحد يدرس نص ساعه او ساعه في اليوم .. تصير عاده شبه يوميه وخلاص…
صح الدنيا مب رايحه انا مافكرت عمري بدرس بس سبحان الله من فتره رديت مره ثانيه… بس انا شوي مشكلتي انقطع هني محتاجه دافعيه اكثر
بس الحمدلله … شكرا مره ثانيه
المشاركة الأصلية كتبت بواسطة tresor وبعدين حطي في بالج شغله اذا انتي حاسه ان هالبرامج اللي تتعليميها راح تستفيدين منها واصلي عليها
اما اذا حسيتي انج ما راح تنتفعين منها انا اقولج طبيها .. لان العلم مطور وبالذات في مجال التقنيات كل يوم يطلع علم يديد واختراع يديد
بختصار لازم تواكبين عصر التكنلوجيا وتتابعين كل يديد عشان تمشين صح
هلا اختي tresor هي المشكله اختي انا ماعندي دليل لاي شي … والبرمجه حصلتها احسن شي وارتب شي .. خاصه للبنت مثل التصميم
انا احب البرمجه اكثر من التصميم… رغم ان لي فتره تحسنت شوي في التصميم
والحين ناس تطلب جافا وسي شارب ودوت نت عشان الموبايلات
انا درست شوي جافا وصلت لمرحله كتابة كود شبه محترف تقريباً بس المشكله هذه اللغه نار… يعني تحتاجين وقت طوييييل لين ماتستفيدين منها او طلعين شي الناس تستفيد منه!!!
عرفتي علي
بس لغة تصميم المواقع php تصممين موقع بسيط في لمح البصر .. رغم ان في مواقع تصميم جاهزه… بس من خلال php ممكن تتعلمين الربط بقاعدة البيانات mysql وتتحكمين انتي بكل شي…. وهي تعتبر سهله او وسط… لان مافيها برمجه حقيقيه بس تتعلمين سكريبات كانها لغه انجليزيه!!مع html
ففكرت اتعلمها لو لمده شهرين ثلاثه… وبعدين بقرر … ولكن لغات البرمجه الثانيه تحتاج مستوى كبير ليييييييييين مااحترف اكثر من سنتين… حتى هذه بس ناتج فيها اسرع…