دورتي الشهرية

سلام عليكم بنات المنتدى
شخباركن و شو مسويات؟

أنا عمري 19 و دورتي مب منتظمة و أنا من النوع اللي ما اتفيج اعد و اشوف التاريخ متى اتيني و متى يتني .

ابا تفسير لدورتي الشهرية
هي دايمن تتجدم و الشهر اللي طاف يتني على نهاية ثلاثة يعني 26- 28 ما اذكر بالضبط المهم ما عورتني واايد استغربت لاني دايمن اتالم منها المهم هالمرة يتني جي عشر تيام قبل اظني لاني 19 من هالشهر ما اعرف بعد هل هالشي طبيعي و ل؟ و اذا لا ليش؟ و شو اسوي
بليييز ساعدوني…قمت اخاف من الموضوع

يزاكم الله خير

هلا أختي .
أول شيء اشربي ميرامية الخمس الأيام الأولى من الدورة لانها تنظم بس يمكن ينزل لج واااااايد بس هذا شيء عادي .
وثانية داومي على شرب البردقوش ينظم الهرمونات واااااايد اوكي واشربيه يومياً كاسين .
والميرمية والبرقدوش اشتريه من العطار .
طريقه البردقوش : بتحصلينه عشب أخضر يابس : اغلي كوب ماي وحطي مقدار ملعقة أو اثنين في وصفيه واشربي دافيء .
الميرمية مثل الزهرة ونفس الشيء حطيها في كوب ماي واشربيها دافية .
والله يشفيج .

لازم اختي تراقبين تواريخ الدوره عندج ع الاقل لشهرين هذا اول شي بتسالج عنه الدكتوره بعد

وبعدها شوفي وقارني هل هي متلخبطه وله لا وع فكره انا بالسنه مرتين او ثلاث تتلخبط عندي والدكتوره تقول عادي

المهم انتي راقبي التواريخ وكل شي ساعتها بيتحدد

الله يعين

حبيبتي احسبي احسن لج..

نصيحة دام انج ما تبين تحملين ومب متزوجة لا تاخذين ادوية ركزي على شرب مغلي الميرمية وحبوب الشمر والجرفة…يعني على الاعشاب احسن من الادوية

عاادي الغاليه لا تحاتين هالشي عاادي عند كل البنات
بس لازم تحسبين حق عمرج^^