شحالكم حبيباتي عساكم بخير؟؟ مبارك عليكم الشهر
سبق واني نزلت موضوع دليل زهاب العروس بالصور من مجهودي الشخصي عشان يساعد عرايسنا الحلوات
ويكون مرجع اذا أي حد كان ناسي شي والموضوع تلقونه فالرابط تحت
https://forum.uaewomen.net/showthread.php?t=1073661
هالمره حابه تشاركوني في الموضوع كلكم عشان الاجر يكون للجميع والفايده بعد للجميع
والموضوع بيكون كالتالي:
انا بكتب لستة الاغراض وبنزلهم ع أجزاء عشان يكون سهل للجميع وكل وحده ترد تكتب وين هالشي متوفر اسم المحل + مكانه مول ولا سوق + الاماره + شو الي يوفره المحل + السعر التقريبي <<< ياليت تكتبون التفاصيل لانه يمكن تكتبين خياط فلان وماتحطين الاماره ويكون في تشابه فالاسم فتضيعين عالبنات وقت ومجهود
وها مثال….
المخاوير : خياط فلان الفلاني – شارع المطار – أبوظبي – كنادير طبعه + مغربي – 300-500 درهم
وبجذي بنسهل على وآيد..
بليييييييييييييييييييييز ابا تفاااااعل كل ماشوف مشاركات اكثر بنزل اجزاء اكثر عشان الكل يلحق يتشرا
نبدأ باللسته بسم الله
1-الملابس: الجزء الاول
القطع:
المخاوير:
*طبعة:
*حركات ثانيه (كورشيه وتطريز):
*مغربي ( مع ذكر النوع اذا كان خفيف ولا ثجيل):
جلاليب شيفون وحرير (قصات):
دراعات (ميني دراعه + الدراريع الثجيلة):
جلاليب البيت (مع ذكر نوع القطع اذا كان ويل ولا قطن ):
الفساتين (ذكر النوع اذا كان اوفر ولا ناعم):
درسات للبيت :
البدل من تنانير وبناطلين وغيره (يرجى ذكر نوع الملابس):
لقنزات:
قمصان:
بديات:
جاكيتات:
قميص اول يوم:
قمصان نوم بشكل عام:
بجامات:
سلبر:
الملابس الداخلية:
الصراويل والشلح:
نتريا المشاركات عسب نكمل
1-الملابس: الجزء الاول
القطع: محل الأمرا + محل القرن – مركز مدينة زايد – أبوظبي – عنده قطع بجميع انواعه – يختلف ع حسب القطعه بس مثلا القطن 100 تقريبا ال 4 وارات
المخاوير:
*طبعة: خياط الوفاء – مادري وين مكانه بس اظن جيمي – العين – عنده طبعات – يسويلج من 200 لين 350 اظن
*حركات ثانيه (كورشيه وتطريز):خياط أبو يوسف – شارع المطار – أبوظبي – عنده طبعات وحركات خبال – في 450 لين الله واعلم كم
*مغربي ( مع ذكر النوع اذا كان خفيف ولا ثجيل): خياط القديم – بين الجسرين – أبوظبي – الخفيف ب 400 والاثجل شوي يوصل 800 بس ترى هو باكستاني
جلاليب شيفون وحرير (قصات): زيزينيا – الخالدية – أبوظبي – اوديله موديلات ويسوي من 200 لين 400 يمكن
دراعات (ميني دراعه + الدراريع الثجيلة): هالاشياء اكثر القاها فالمعارض الي يفتحونها فأرض المعارض بين فتره وفتره فبوظبي
جلاليب البيت (مع ذكر نوع القطع اذا كان ويل ولا قطن ): آخذ الويل من المعارض بعد
الفساتين (ذكر النوع اذا كان اوفر ولا ناعم): في محل فالمارينا مول – أبوظبي – وين الاسكيت قام اييب فساتين نيويورك دريس – والشغل عنده من خفيف لين وآيد – الاسعار من 2500 وطالع
درسات للبيت : آخر مره خذت من كوتون – المارينا – أبوظبي – عندهم بدل ودريسات – خذته ب 200 درهم
البدل من تنانير وبناطلين وغيره (يرجى ذكر نوع الملابس): تلقين في زار – المارينا مول أبوظبي – والاسعار تختلف من 190 لين 500 يمكن (قمت احب استايلهم))
لقنزات: 21 فور ايفر + كوتون – المارينا مول – أبوظبي – لقنزاتهم غاليه 75 وطالع مال السوريين ارخص
قمصان: كل محل فالمول – المارينا – أبوظبي – والاسعار متفاوته
بديات: تلقين فكل زاوية محل البدل انا امسات لقيت فزارا – المارينا – بوظبي مول – يمكن كان ب 90 ماذكر
جاكيتات: فزارا واسترادا و 21 – المارينا مول – أبوظبي – الاسعار من 350 وطالع
قميص اول يوم: للحين ماشفت (بس أغلب المحلات تكون عندهم)
قمصان نوم بشكل عام: الي فالمولات (مابا لاسنزا ونعومي) ياليت تفيدونه بشي حلو
بجامات: ومن سكرت وتلقون ناعمات ف 21 – المارينا – أبوظبي – 200 تقريبا
سلبر: فمحلات ملابس النوم <<كل محل
الملابس الداخلية: عندج محل فالخالديه مول تحت – أبوظبي – رهيب الصراحه – البرا يوصل 200 تقريبا
الصراويل والشلح: من مدينة زايد أبوظبي – بس ماحيد اسم المحلات – تلقينهم ب 15 ولا 20
الله يوفقج يارب 
القطع : من اروما، شانتيه، المكان : مركز البستان – دبي- بالقرب من ملا بلازا
الخياط : اروى -دار الزين-فيونكة- الشارقة – الشرق- بالقرب من سوق القديم نوع الخياطة : جلابيات فخمة- مخاوير راقيه وطبع – مغربيات- كروشيه