وايد اشوف بنات في المنتدى ما يعرفن كيف ينزلن صور من كمبيوتراتهم للمنتدى ,, عسب جي حبيت انزل الطريقة هنيه وان شاء الله مفيدة للجميع ,,
اولا :
تفتحين على قوقول وتكتبين مركز تحميل الصور وايد خيارات بتطلع لج اختاري اي شي بس عن نفسي انا دوم احمل هنيه ,,,
https://www.mshgl.org/
ثانيا :
اختاري وين مكتوب اختار ملف ,, بيظهرلج صفحة الصور عندج في الكمبيوتر عقب اختاري الصورة اللي تبينها ,,,
ثالثا :
اول ما تختارين الصورة اللي تبينها وتضغطين انتر ينحط رقم او اسم الصورة في مركز التحميل واحسن ما في هالمركز انج تقدرين تحميلين لين عشر صور في وقت واحد ,,
رابعا :
بعد ما تكملين اختيار الصور اللي تبينها عقب اضغطي بدأ التحميل ,,,
خامسا :
تختارين كود المنتديات بالنسبة لي اخب اختار الرابط المباشر ,, بس انتي شوفي اللي يناسبج واختاريه ,,
سادسا :
بعدين تفتحين المنتدى على المكان اللي تبين تنزلين فيه الصور ان كان موضوع جديد او رد ,, وتختارين ادراج صورة
سابعا :
بيظهر لج مستطيل تحطين فيه رابط الصورة اللي نسختيه من مركز التحميل ,,, وتضغطين موافق ,,,
ثامنا :
[IMG]
[/IMG]
تظهر لج الصورة في مربع الموضوع او الرد ,,
ان شاء الله يكون الدرس سهل ,,,
ملاحظة :
الصورة عبارة عن توزيعات بشكل كيكة ,,, وهذا باترون الكيكة للي حابين يسوون مثلها ,,,
وها شكل الكيكة الوحدة ,,,
والله يوفق الجميع لما يحب ويرضى
@ اختكم في الله @
ام ناصر 
وبالتوفيق ان شاء الله