شفت هالطبخه في موقع ثاني وعيبتني وطبقيتها وحبووها في البيت واليوم بنزلها في المنتدى ان شاء الله تعيبكم
بسم الله الرحمن الرحيم
نجهز خلطه وطريقتها
نحمر البصل وشوية ثوم في اربع ملاعق زيت ومن يحمر البصل نضيف بطاط مقطع مكعبات
ومفور // عقب نضيف جزر مبشور // وملح وفلفل اسود وكركم شويه ( الكميه حسب عدد الدياي ) ( ممكن تختارون اي خلطه ثانيه انتو تحبونها )
عقب نييب دياي خاص للحشو ( عند اللحام في الجمعيه اطلبو صدور دياي
وقولو للحام انه للحشو بيفتحه لكم بطريقه مرتبه )
عقب نحشي الصدر بالخلطه
وبندو صدر الدياي بصلوب خشب ( الخاص بتنظيف الاسنان فيه نوعيات قويه شوي تستحمل الطباخ )
نقلي الدياي في زيت
عقب اسحبو الخشب لا تنسون وتوهقوني
وصفوهم في بايرويكس // وفي الخلاط اخلطو ( كريما whipping cream + ملعقة جبن كرافت + مكعب ماجي )
وصبو الخلطه على الدياي وفي الفرن لمدة نص ساعه ( غطو البايرويكس )
والنهايه السعيده
ممكن تغرفون العيش وتقطعون الدياي بشكل دائري وتصفونه على العيش
وتخلون الكريما في صحن ثاني للي يحب يحطه على العيش
/////////
بعدني ما خلصت
انزين واللي تقول اللف صعب عليها انا سويته مره ثانيه بنفس الخطوات لكن ما حشيت الدياي
حطيته طبقات ويا الحشوه وصبيت عليه الكريما
صوره من الطبقات قبل لا اصب الكريما
والنهايه السعيده
الطريقتين يم يم
///////
دعواتكمـــــــــــــــــــــــــــ
وتسلم ايدج….صراحة شهيتيني
صراحه مافيج حييييله
بس اي كرسما نتي تقصدين؟
تسلمين يا قلبي
المشاركة الأصلية كتبت بواسطة أم عامر 
وتسلم ايدج….صراحة شهيتيني
لا خليت ولا عدمت
تسلمين حبوبه
المشاركة الأصلية كتبت بواسطة ميميه88 صراحه مافيج حييييله
بس اي كرسما نتي تقصدين؟
منوووووووووووووووره غناااااااااااتي
والكريما المقصوده هاي صورتها
