لي فوادٍ زادت جراحه
ونته ونات مذبوحي
ساهرٍ والناس مرتاحه
والحزن مايعرف نزوحي
خزني بلحاظ ذبّاحه
لي سكن في قلبي وروحي
في حشايه صوب رماحه
مبتلي بالحب مجروحي
له خدود ورود فواحه
مايخلط الجد بمزوحي
الشعر به جنه سلاحه
هو شقايه وكل مربوحي
الريم السّروحي
ابصراحة قصيدج ماعليه كلام ….. ماشاالله ماشاالله عليج
واسمج بعد ماعليه كلام
واتمنى القى كل قصيدج في النادي…. لو بيتين ….(طلبه)
وفي انتظارج
شقول
تواصلج الي ماعليه كلام وحضورج الي يشرفني
وصدقيني لو انتي بروحج بتمرين على قصيدي ولو هي كلمه بكتبها فهذا وسام اعتز به
اسمحيليه بلي بقوله .. قسم الشعر والأدب احس التواصل فيه ضعيف شويه
أتمنى انه يكون من أفضل الأقسام واكثرها تفاعل وان شاءالله بيكون هذا الشي بجهدج الطيب والاخوات المشرفات
شي ثاني
الي في الخاص وصل وصدق استانست عليه وبتكمل وناستيه يوم بجوفه في مشاركتيه أو حتى بمشاركه بروحه عشان ياخذ حقه ..وبكون شاكره لج ومن أول المشاركين ان شاءالله
صح الله لسانج ويسلم قلبج
احترامي
والسموحه
الريــم السّروحي
حبيبتي انا كتبت الرد في موضوع روحه بس محد رد!!!
ماعليه المهم انتي قريتيه
وبصراحة اللي مثلج وشواج هم اللي بيخلون القسم يتفاعل وينشط … البنات ماشاالله مب مقصرات ونحن باللي نقدر عليه …. بس اتعرفين مب ويد اللي عندهم اهتمام بالشعر والادب …
على كل حال القسم عامر باللي مثلكم وانتوا ماعليكم زود
ومشكووورة ….. على فكرة انا عدلت في القصيدة وبتلقينها في الموضوع …
لاتقطعين
والسموحة عل لقصور
انا مب في مستوى الريم بس اتراني احاول
ويل خلّي زادت اجراحه
يسهر الليل وينوحي
يشتكي بو عين ذبّاحة
أشهليٍ ماخذٍ روحي
يالخلي بي وثّق ارماحة
فوق قلبي امشيّد امروحي
ماسطا سطوه ابراحة
ماخذنّي كلّي ابروحي
داخلٍ بجنود وسلاحه
ياعرب منْه وين باروحي
واطلب الشّعار في الساحة
يرجعولي بقلبي وروحي
وسلمتو
ماشااااااااءالله عليييييييكن.. ابدااااااااااااااااع
لا تحرمنا من يديدكن
صح السانج………….