مسا الخير خواتي … اخباركم عسى مرتاحين بالشهر الفضيل ^^
انا و الله منحرجه منكم اول مره اتكلم بموضوع مثل هذا امام احد حتى الدكتوره
و ريلي ما كلمتهم عنه … و بصراحه ما ااقدر اصبر على نفسي اكثر
و مالي احد اسأله و اخذ منه الخبره غيركم هنيه ..
قبل شوي كنت اقرا بمنتديات ثانيه عن تاخر الحمل و الرقيه الشرعيه و
بالصدفه دخلت على موضوع وحده تسأل عن الاجهاض و اعراضه باول الاشهر ؟
ردن عليها الخوات و قالوا لها ان الاجهاض يبان بدم و تنزل
معه قطعه لحم بطول الاصبع ؟؟
مع الام و نزول دم اسود و اوساخ … ( اعتذر الالفاظ مو حلوه 
لكن تحملوني و افيدوني الله يجزيكم الخير ..
انا تاخر الحمل عندي لكن بالسنه الاولى من زواجي صار لي هالموقف
تاخرت الدوره و كنا محطين ببالنا اني حامل انا و زوجي …
لكن بعدها بفتره يتني الام تذبح عمرها ما يت قبل و نزلي دم و قطعت لحم
بحجم الاصبع كنت ادوخ و ما اقدر اتحرك من السرير بذالك الوقت …
طنشت الموضوع لاني كنت زعلانه علشان ما حملت و نسيت الموضوع
الشهر اللي طاف صار معاي نفس الشي … و خفت بسبب القطعه اللي نزلت
و قلت يمكن تكون عادي دم متكدس …. بعدها اتصلت اخذ موعد بالعياده لكن ما ناسب
زوجي الوقت و اجلت الموضوع لبعد رمضان ان شاء الله
السالفه هنا … بعد ما قرات موضوع الاخت شكيت و ابي الافاده منكم
هل من الممكن يكون صار حمل و نزل باول شهر او شهرين .؟
وان كانت هذي اعراضه بالفعل اقدر اعرف ان كنت منزله او لاء ؟؟؟؟
اتمنى الاقي جواب يريحني … لان الهم زاااد و الله
و اسمحوا لي .
على العموم الله يرزقج بالذريح الصالحه انشالله
المشاركة الأصلية كتبت بواسطة ريح الأمل 
على العموم الله يرزقج بالذريح الصالحه انشالله
متأكدة الغاليه ….
يعني القطع موب ممكن تكون شي ثاني
يالله من سنتين و انا و ريلي نتريااا و الله لو يعرف بيذبحني
فديتج اذا رحت سويت فحوصات بتعرف الدكتوره و اللا لاء ؟؟
و مافيها تاثير علي .؟
مشكوره على ردج حبيبتي و الله يوفقج دنيا و آخره
و الموضوع الغالية مافيه مستحى سيري حق الدكتورة و خبريها .. و ان شاء الله مافيج إلا العافية و الله يرزقج حمل سليم معافى تام الخلقة و الخلق ان شاء الله ….
المشاركة الأصلية كتبت بواسطة ام غريبه اللهم آآمين تسلمين فديتج
المشاركة الأصلية كتبت بواسطة حروف الحب و الموضوع الغالية مافيه مستحى سيري حق الدكتورة و خبريها .. و ان شاء الله مافيج إلا العافية و الله يرزقج حمل سليم معافى تام الخلقة و الخلق ان شاء الله ….
تسلمين حروف الحب على كلامج الطيب
و الله يسمع منج …
و ما عليج انا متفقه مع ريلي بعد العيد على طول بروح لعياده مختصه
و عسى خير ان شاء الله …