خواتي الغاليات محتاجة رايكم

خواتي بغيت اقولكم مشكلة اخوي ،اليوم اخوي صارحني وقالي انتي اول وحده اتعرفين هشي قالي ان هو مب مرتاح مع زوجته ابداااااااااااااااااااااااااااااا وهو صابر وساكت بس عشان بنته الي عمرها 6سنوات وهو مزوج بنت خالتي يقول ان ح والله اخوي يتكلم وعيونه حمرااااااااااااا اشوي وبصيح يقولي والله انا شال هالهم من 6سنين بس تعب خلاص وهو مايبي يطلقها عشان بنته وثانيا يفكر في اهلنا ،على فكرة هو طلقها طلقه وحده بس رجعو لبعض ،واخوي يبي عيال وهي ماتبي رافضه هالفكرة كم مرة قالها خلاص عيل بزوج عليج بس هي اتعرف ان اخوي مابيزوج وامكانياته ماتسمح الحين اخوي عمرة 31 وعنده بنت وحده وهي رافضه انها اتيب عيال ،واتخيلو في مرة قالت حقه ان انا خذتك بس عشان اطلع من بيت ابوي ،اخوي وااايد مصدوم وهي دايما اتقول حق اخوي اصلا انته تستاهل وحده احسن عني .يعني اخوي عايش معاها على المجاملات ،يقولي انا عطيتها وااااااااااايد فرص عشان اتغير من نفسها بس هي مب مهتمه حق شي والله الي يجوفهم جدام الناس يقول هذيل مافي أسعد عنهم بس هم من داخل شي ثاني …يوم انا قتله كلم حد من اهلنا ولا اهلها هو قال انا يوم ابيها تستوي زينه الواحد من نفسه مابيها اتكون مجبورة على هشي ، هي بنفسها اتقول حق اخوي انته ماقصرت معاي بشي بس هو مب عارف شو يسوي معاها كل مايبي يجامعها هي ترفض واتحسسه انها مجبورة هذا غير اهمالها الزايد في اخوي والله اخوي يقولي اشياء عن تصرفاتها ،اتخيلوااخوي يقولي ايي من الدوام مايحصل كلمة حلوة ولا يحصل حد مشتاقله يتريا من اسبوع لان هو يداوم بعيد عن منطقته ،حتى يوم يطلع مايحس ان في حد خايف عليه ويتصل فيه ويطمن عليه يقولي خاطري يوم واحد تنصخني واتقولي هشي غلط وهشي لاتسويي خاطري يوم واحد وانا ياي من الدوام هي اتيب لي الأأكل من ايدها مب اتخلي الخدامه اخوي وايد قالي سوالف ،وايد قالها انج امقصرة معاي بس هي ماعرف شو فيها ماتحاول اتغير من نفسها، وانا استغرب كل هذا يطلع منها والله اخوي تعبااااااااااااااااان نفسيا بس أنا اجوفها هي وايد عادي وتطلع وتروح ولها نفس حق كل شي بس اخوي شال هم الدنيا على راسه
بس اخوي ابدا مايفكر بطلاق يقولي بس عشان خاطر بنتي والله سالفه اخوي غريبة . الله يهديها حرمة اخوي ليش جي اتسوي معقوله في وحده جي اخواتي لو حد من اخوانكم لاسمح الله صار له هشي وصارحج كيف تقدرين اساعدينه ؟
انا قلت حق اخوي انا برمسها وبجوف بس انتو شو رايكم .هو يستحي يتكلم مع حد في هالموضوع انا وايد قريبه منه عشان جي فتحلي السالفة بعد مامل وطفر…………..اسمحولي الغاليات

ولت عليكم.

الله يهديها بس ….ان شاءالله الاخوات يفيدونج,,

والله ماعرف
بس حاولي انتي اترمسينها
وذكريها انها تؤجر إذا ونست ريلها
الله يعيينكم

اذا تحسين انها بتسمع منج كلميها واذا ماحسيتي بهالشي كلمي امها ولا امج علشان يكلمونها
يمكن بتشوف انه الكبار يكلمونها بهالمواضيع وبتحس على دمها وبتفتشل منهم
بس هالشي مب زين عليها ووضحي لها انها تلعنها الملائكه اذا حرمت زوجها من حقه الشرعي
وبعدين هالشي مب عذر بصراحه ماشاءالله صار عمره 31 وهي مب مفتكره عيب والله عيب
وبعدين على قولتها انها كرهت الجماع من بعد ولادتها ببنتها خلها تروح تتعالج عند معالجه نفسيه
يمكن هالشي اثر فيها او في نفسيتها …بس تراها اللي تسويه اكبر حرام
وخاصه يوم تمنع زوجها من حقه الشرعي…

والله يهديها ويسخرها له

لا حول ولا قوة الا بالله

حاولي تقنعينها انها تروح عند دكتوره مختصه

انا اقول احسن كلمي اهلها وخليهم يتصرفون معاها … لانه ها الشيئ مو طبيعي … ومثل ما قالت الاخت … تلعنها الملائكه اذا ما عطت ريلها حقه الشرعي…
بس قوليلها تحمد ربها على ريلها اللي صابر عليها … لو حد ثاني … جان راواها الوييييييل …
الله يهديها….