خل نرد بالزمن لورى @@ حياكن بنسوي ميك اوفر خخخ

قلت فخاطري خل انسوي شي ك تغيير .. نكسر الروتين وانغير اللوك
اللوك اللي بنسوييييييييه ناعم وااايد .. وممكن يكون بنوتي وكيوت او انثوي ومثير
ممكن تلبسينه ليلسة بنات .. ولا لريلج ك تغيير

يلااااا نبداااااااا

اول شي بتحطين الميك اب .. حتى اللي ما اتعرف تحط ميك اب ممكن تحطه
هو بالمختصر شدو خفيف وغالبا ما يكون مايل للوردي .. مع خط آي لاينر طرفه ناقز عالخفيف …….. وذيج الفتره وايد كانو يركزون عالرموش … يعني ممكن تركبين رموش خفيفه تعطي عيونج لمسه حلوه .. ولا تكتفين بتكثيف المسكرااا .. وحلو اذا حطيتي عدسه فاتحه اذا بغيتي

ثاني شي الشفايف .. بما ان التركيز خفيف عالعيووون فالشفايف عادة اتكون عليها اللوان صارخه .. مثل الاحمر والفوشي … وممكن تكتفين بالوردي الخفيف وتطلعين جنج بيبي دول

وهاي لنكااااااااات ممكن تساعدج تحطين هالنوع من الميك اب .. صدق خطوات سهله والنتيجه روعه

https://youtube.com/watch?v=sqNuYxriO…eature=related

https://youtube.com/watch?v=neGIurzTR…eature=related

المهم عقب ما خلصنا من الويه اني للشعر

بتحتايين الرولات

وممكن تسوين هالحركات بشعرج

اول نوع ……. اييج بنوتي .. فساتين بوتيله … ولا مورده
ولا استايل البحارين ولا استايل جيشي << ترى كانت فترة حرب

وثاني نوع اييج بسيط ويرسم جسمج … يضيفلج انوثه طاغيه .. ممكن تضيفين عالخصر حزام جلد عريض بعد بيطلع روعه

عقب ما خلصتي وكشختي …….. في اضافات واكسسوارات معينه لذيج الفتره

اول شي للشعر … ممكن تربطين شريطه ع شكل فيونكه .. واذا ما عندج التاج ممكن يعطيج نفس النتيجه

او تحطين ورده ع ينب .. بيطلع شكلج وايد كيوت

ولليد كانت القفازات الجلد لاعبه دور ذيج الفتره ومثل ماا اتلاااحظون القحافي بس ماظن تلقون منهن

وهاي مجموعة قفازات عيبتني .. بين فتره والثانيه ينزلون منهن بمحلات اللبس العاديه شرى مانجو وغيرهم

وبعد للايد لاحظت فصورهن مركزييييين عالتاتووو .. فممكن تضيفين تاتو اللي بالماي ولا ترسمين على زندج

وبس بتطلعييييييييييين احلى Pin up GirL

خواتي المشرفات اذا وضع لينك المكياج مخالف ولا اي صوره مخالفه خبروني عشان احذفها .. لاني تعبت عالموضوع >_<