وانا شخصيا مجربتها ومداومه عليها
بس ما ادري لو الموضوع مكرر لاي ما اقدر اقرأ كل المواضيع
المهم
المقادير هي
عصير ليمونه
1 ملعقة طعام كركم بشره ولو ما في يصلح كركم عادي
5 ملاعق طعام حليب سائل
4 ملاعق طعام نشاء
مكعب من ماء الورد المجمد
الطريقه
اتحطين المقادير على النار لين اتحسين ان الخليط مسك يعني غلوه وحده بس مع مراعات التحريك المستمر
اتحطينه على الوجه وهو دافي لانك لو اتأخرتي اكثر بيبرد وبيبدأ يتكسر معاك وما راح تقدرين اتحطينه
انت شيله من على النار وابدئي شوي شوي حطيه
لازم اتكون الطبقه سميكه شوي
خليه على الوجه ربع ساعه مع الاسترخاء
طبعا ابعدي عن منطقة العيون
بعدين غسليه بماء دافئ
بعدين امسحي الوجه بماء الورد المثلج
انا طبعا استخدمت كركم الاكل العادي ما حصلت مال الوجه الي قالو عليه
ولانه اصفر طبعا صبغ وجهي واتخرعت اول مره بغيت انجن بس لقيت ان ماء الورد هو الي يشيل الصفار من الويه
وانا الصراحه استخدمت ماء الورد السائل في ازالة اللون وبعدين مررت الثلجه على كل الوجه عشان اسكر المسام المفتوح
بس والله شي النظافه مو طبيعيه وتعرفن يصير الوجه من النضاره يلمع والله اتكلم صدق ومن تجربه ومو بس كذا انا سويتها على بنتين من عيلتنا قبل ما اسويلهن المكياج يوم العرس وهن العرايس يعني لو خرب وجهن مصيبه بس والله انه اتحسن مره والكل سألهن وين سويتي تنظيف البشره ليش ان وجهك صافي
والبنات كان في ويهن حبوب بعد والله انها طفت وخفت وااااااااايد من اول مره وانا سويتها قبل بيوم من العرس
والحمد لله طلعن جنان يوم العرس
والله العظيم لو فيها اي شي مو زين او انا ما جربتها ما بنزلها لكم بس من جد روعه مره
واي استفسار انا حاظره وبرد عليكن والي اتجرب اتخبرنا عن تجربتها
الطريقه ما تاخذ وقت ابدا وغير كذا البشره تكون نضره وطريه وصافيه ونظيييييييييييفه مره
انتظر الرد
احبطوني ما بحط شي مره ثانيه
وين تشجيعكن لي
افا هاي اول مشاركه لي معاكم بذا القسم
تحتاج من يجربها اختي
بس كم مرة تستخديمها في الاسبوع؟
هل انتي مداومة عليها
تسلمين على الخلطة و المجهود
دمتي بالف خير