شحالكن خواتي
وايد حريم يعانن من تساقط الشعر وطبعا له كذا سبب بذكر مثالين:
– الشامبو وتكون طريقة استخدامه او نوعه هي السبب
– الهرمونات والنفسية
المهم بعيد عن هذا في خلطة تساعد ان التساقط يخف وانا كنت اسويه دوم الا من بديت دوام فالجامعه انشغلت وللاسف شعري رد يتساقط مثل قبل
الخلطة هي ان تاخذين بصلة وفصين ثوم وتحطينهم فجدر في كمية الماي اللي تكفي لشعرج (لمرة وحدة بس) ، تحطينه عالغاز لين يبدا يثور ويستوي لون الماي اصفر ، بندي الغاز وطلعي البصل والثوم من الماي وحطي 2 ملعقة خل تفاح ورشة ملح بسيطة.
قبل لا تغسلين شعرج دهني شعرج فيها ولفي بالفوطة لمدة نص ساعه بالكثير
البصل والثوم : مفيد للتساقط
خل التفاح والملح : مفيد للقشرة
ملاحظة: اللي شعرها كثيف وايد تقلل نسبة خل التفاح لان ختيه شعرها كثيف ويوم استخدمت نفس امقادير نشف شعرها شوي
استمري عليها وان شالله النتجية تنفعج
ختيه من فترة كانت تعاني من التساقط وتذكرت هالخلطة لاني نسيتها فزحمة الدراسة
هذا عن تجربة والله شاهد علي
الله يوفقك الجميع
بس شو عن الريحه؟ اتخوز والا لأ؟
مافينا على ريحه البصل والثوم
ومشكوره الغلا ع الوصفه .. بجربهآ
لانها قريبه من خلطه ثانيه بس فيهآ سدر مطحون ^.^