خلطة الدجاج والباذنجان والبطاط بالجبن // من مطبخي

بسم الله الرحمن الرحيم

انا شفت وحده من الاخوات في منتدى ما // مسويه هالطبخه طبخيتها وضفت عليها بعض الاشياء وشليت اشياء بذكرهم ويا عرض الصور

الطريقه والمقادير

طبعا المقادير حسب الكميه

نجهز القشطه وجبن كرافت انا خلطيت واحد ونص جبن ويا كرتون واحد قشطه وخليتهم
في الثلاجه

قليت الباذنجان وصفيته في البايروكس ( الطبقه الاولى ) ( بهرته بملح وفلفل شويه )

الطبقه الثانيه
فورت ديايه وفتتيتها صغار وقليتها ويا بصل وفلفل رومي اخضر وبهريتها بالبهارات
اللي انا احبها ( في الوصفه الاصليه الاخت حطت شبت او بقدونس انا ما حطيت )
( ملاحظه لا تكثرون الملح لانه الجبن وفير في هالوصفه )
وقليت شوية صنوبر بروحه وحطيته على الدياي ( هاي اضافه من عندي )

الطبقه الثالثه قليت بطاط بشوية ملح وفلفل

الطبقه الرابعه رديت حطيت باجي خلطة الدياي ويا صنوبر والطبقه الخامسه
باجي الباذنجان ( ما عليه شكله غامج شوي كنت اطبخ على سرعة 140 مسكني الرادار )

عقب صبينا خلطة الجبن والقشطه على الطبقات وفي الفرن

عقب ما تحمر الطبقه اللي فوق نفتح الفرن ونبشر الجبن اللي نحبه انا حطيت بارميسان
ممكن تحطون جبن البيتزا او شيدر الازرق // عقب نرجع البايكروس للفرن ونحمره شوي

اول ظهور من الفرن

بشرت الجبن ورجعته للفرن ( والشكل النهائي بيكون عقب شرح طريقة العيش )

العيش عاد تحبونه ابيض عادي او مع زعفران انا فورته وحطيت في قاعة الجدر زيت وماء
ورد وزعفران عقب عليهم العيش وخلطيته ( تعالو نشوف الصور )

شكله النهائي

والحين الشكل النهائي للطبق عقب ما ظهرته من الفرن

التقديم مع العيش

ملاحظه // لو قللتو مقادير الدياي والباذنجان والبطاط وحطيتو خلطة الجبن على صحن بايركوس اصغر بتكون طبقة الجبن غليظه مب ناشفه وهالشي اختياري

وشكرا جزيلا لكل من تزور او ترد على موضوعي

//////

طبقي المقبل بيكون ان شاء الله في قسم المعجنات وهاذي صوره منه

تسلم ايدج…
روووووووووووووووعه
الحين.. الحين.. ابغي منه

ما يغلا عليج حبوبه

وحياااااااااااج الله

ماشاء الله عليج يا قصص طباخه
تسلم ايدينج حبوبه
الطبخه تفتح النفس ووالمقادير بسيطه وانا من محبين الباذنجان عشان جيه تفاعلت خخخخ
ممكن اسال كم من الوقت حطيتيها بالفرن؟؟؟؟؟؟؟؟

الله يسلمج ويسلم غاليج

انا شغلت الفرن فوق وتحت ما طول من احمر على طول ظهرته يمكن جريب ال 20 دقيقه

او اقل // راقبيه من يحمر ضيفي مبشور الجبن ودقايق وظهريه

حيااج

ما شاء الله عليج قصص…شكلها طبخة رووووووووووووووووووووووووووعة تسلم ايدج
والله شهيتيني فيها ………لازم اجرب اسويها