اشحالكم أيها الباحثات عن الرشاقه ؟!
وأخبار الريجيمات ويااكم ؟!
المهم ندش فالموضووع أنا وأعوذ بالله من كلمة أنا ماخليت ريجيم ماسويته وطبعا كلها من الريجيمات السحريه يعني بالعربي الريجيمات المب صحيه اللي تضعف 7 كيلو في أسبوع واللي 12 كيلو …. الخ
والنتيجه اخرطي اذا تضعف 3 كيلو بالكثير 4 نعمه والمصيبه مجرد ما ارد آكل يرجع كل شي وكأنك يا بو زيد ماغزيت
اشتركت في لايفلي لتوصيل وجبات الريجيم نزلت في شهر 3 كيلو مع الرياضه طبعا وحسيت انه خساير بيزات ع الفاضي
قلت أنا ليش ما اخترع لي ريجيم أو بمعنى أصح نظام حياة جديد فيه أكل صحي وبعض الأكلات اللي ما أستغنى عنها بس بحدود والمعروف ان الجسم يحتاج تقريبا 1200 سعرة حرارية باليوم عشان يقدر يواصل حياته بدون مايعاني من مشاكل صحيه
سويت لي جدول ألا وهو :
الفطور : نص خبز أسمر مع جبن قليل الدسم
الغداء : صدر دجاج مشوي أو ستيك لحم مشوي أو فيليه هامور مشوي + صحن سلطه كبير
العشاء : كوب آيسكريم قليل الدسم من باسكن روبنز أو روب بالفواكه قليل الدسم من ميلكو مع برتقاله أو سلطه بالجبن أو فتوش
واذا أحس بالجوع العصر آكل روب بالفواكه قليل الدسم وغالبا ما أجوع لأني أتغدا الساعه 3 تقريبا وأتعشى بالكثير 7
وأشرب 8 دبات ماي 330 ملل يعني لترين وشوي تقريبا
بالاضافه الى شاي الأعشاب (ملعقه صغيره من ميراميه + بابونج + اكليل الجبل) ثلاث مرات في اليوم ع الريق وبعد الغداء وبعد العشاء
والنتيجه 3 ونص كيلو بالأسبوع وأنا مرتاحه الحمدلله طبعا ألعب رياضه خمس أيام بالأسبوع
كتبت تجربتي لسببين
الأول
الصحه تاج على رؤوس الأصحاء وبس يا بنات لعبنا بعمارنا وايد ويا هالريجيمات اللي تضرنا ماتنفعنا كل وحده تشوف الأشياء اللي تحبها وتحسب عدد السعرات اللي فيها وتسويلها جدول تمشي عليه وتحط في بالها ان هذا لازم يكون نظام حياتها لاتحط في بالها انها تسوي ريجيم وتذبح عمرها لا صح الرشاقه حلوه لكن بدون جسم صحي شو فايدتها
والسبب الثاني
اللي حابه تتبع طريقتي حياها الله وان شاء الله تستفيد
والسموووحه من الجميع وأي استفسار مرحبابكم وسهلا قلبي مفتووح لكم قبل موضووعي ,,,
أخــتـــكـــم مس مس
ربي يعطيج الصحه و العافيه ياختيه
و عجبني اسلوووبج ف التعامل مع الاكل ^_*
عن نفسيه ،
عقب ما فهمت حق طبيعه جسميه ، و عرفت شو اللي يزيد ف وزنيه ،،
عقب ما نزلت و قربت للوزن اللي كنت اطمحله >> طبعا اتبعت رجيم مثل ما قلتي يهلك و يذبح الواحد
عرفت شقايل احافظ على وزنيه ،،
قمت كل يوم ،، اقيس على عمريه ف العيشه ، و انوع فيها
و الحمدلله وزني ،، قاعد ينزل ،، بس على الراحات
اهم شي ما يزييد ^_^
و امتى ما بغيت اسوي دروووب على قولتهم ،، بتبع رجيم صحي و يفدنيه >> ناويه قريب ان شاء الله ^_^
و تسلمين يا طيوبه
و عني انا حاليا ماتبع رجيم معين ،،
بس مقلله من الاكل و خص انه "سابقا" كنت آكل كل مالذ و طاب ،،
ريوقي = خبز اسمر ممسوح بجبنة قليلة الدسم ،، و ماي دافي بشرايح اللومي //
غدايه فالجامعه = آكل بس من كل شي طشونه ،، او استبدل الاكل بالسيزر سلط بما انه فيها خس و بالإضافه للدياي ،،
و عشايه = آممم غالبا ماشي ،، ماشتهي الاكل و احيانا مشاوي ،،
هذا بالنسبه لرجيمي ،، =) ,,
و مادري لو صحي و لا لأ ,,
المشاركة الأصلية كتبت بواسطة نسيان 
العفو الغلا وآميين يارب ننزل بصحه وعافيه
المشاركة الأصلية كتبت بواسطة زريف الطول ربي يعطيج الصحه و العافيه ياختيه
و عجبني اسلوووبج ف التعامل مع الاكل ^_*
عن نفسيه ،
عقب ما فهمت حق طبيعه جسميه ، و عرفت شو اللي يزيد ف وزنيه ،،
عقب ما نزلت و قربت للوزن اللي كنت اطمحله >> طبعا اتبعت رجيم مثل ما قلتي يهلك و يذبح الواحد
عرفت شقايل احافظ على وزنيه ،،
قمت كل يوم ،، اقيس على عمريه ف العيشه ، و انوع فيها
و الحمدلله وزني ،، قاعد ينزل ،، بس على الراحات
اهم شي ما يزييد ^_^
و امتى ما بغيت اسوي دروووب على قولتهم ،، بتبع رجيم صحي و يفدنيه >> ناويه قريب ان شاء الله ^_^
و تسلمين يا طيوبه
مرحبا الغناه يا حي هالطله
مبرووك النزوول وعقبال الوزن الطبيعي وشرات ماقلتي أهم شي وزنج ينزل مب مهم المده المهم ينزل وانتي مرتاحه وبصحه وعافيه بدون أرق نفسي وكل يوم تحاتين وتوزنين وتفكرين قالوا الريجيم ينزل سبع كيلو ليش مانزلت وتتعب نفسيتج وتردين للأكل بشراهه
أسعدني مرورج حبيبتي
المشاركة الأصلية كتبت بواسطة Um 3baiD و عني انا حاليا ماتبع رجيم معين ،،
بس مقلله من الاكل و خص انه "سابقا" كنت آكل كل مالذ و طاب ،،
ريوقي = خبز اسمر ممسوح بجبنة قليلة الدسم ،، و ماي دافي بشرايح اللومي //
غدايه فالجامعه = آكل بس من كل شي طشونه ،، او استبدل الاكل بالسيزر سلط بما انه فيها خس و بالإضافه للدياي ،،
و عشايه = آممم غالبا ماشي ،، ماشتهي الاكل و احيانا مشاوي ،،
هذا بالنسبه لرجيمي ،، =) ,,
و مادري لو صحي و لا لأ ,,
مرحباا بج ملياار الغ ــلا
فديتج تعشي لو حبة فواكه بس من وقت حاولي دايما آخر وجبه لج الساعه 7 وبعدها خلج ع الماي لين ترقدين وبالتوفيق لج بريجيمج وان شاء الله تنزلين للوزن المطلوب وتبشريني بالنتيجه الحلووه ,,,