بقولها بصراحه خلااااص تعبت طفرت من الوظيفه ابغي ارتاح وايلس فالبيت , لا تستغربن كلامي , افكر افتحلي مشروع صغير ابداه من البيت ( صالون منزلي ) بس ابغي خبراتكن في موضوع العاملات وين اقدر ادربهن فكرت فالاثيوبيات اييب ثنتين وادربهن وآخذ انا دورة مكياج واوقف وياهن وعندي حريم يعرفن يحنن ومحتاجات مكان وهذا اقدر اوفره لهن / بس ابغي كلمة تشجيع ونصايحكن لاتبخلن علي
المشاركة الأصلية كتبت بواسطة أنسة_سارة 
صح كلامج خصوصا إذا الوحده عندها عيال / ياليت باقي الخوات يتفاعل ويعطني نصايحن وهل المشروع هذا بينجح ولا
سبحان الله صدج انها طبيعه المراه البيت مكانهااا الاصلي
خخ
انا يزنون علي ارووح اتوظف وجييه
لكن نفسيتي و اعرف نفسي مااحب اظهر وما بتحمل اجوا الشغل
طبيعتي بيتوتيه..
وادري بنفسي عنهم
ربعي من يتوظفن اسالهن شو الشغل
الكل يقولن تعب وجييه متى ناخذ اجازه
بس مجبورات نداوم بسبب الحايه مساله تعود حد يكمل ويصبر وحد مايررروم
بس هم سبب اني ماب ادوام
اشوف وايد من البذخ والاسراف من قبل البنات والبطره الزايده
قبل الشغل وين وبعد الشغل وين
صح من حقها تدلع نفسها
واخر شهر ماشي خخخ
بالرغم انه هدف الوظيف كان قبل غير وعقب الوظيفه تغيرر خخخ
المهم هب حديثنا هذا << حبيت افضفض ليس الا
مش غيره ولا حسد بس راي وتعبير نفسي
المهم
حبيت فكره المشرروع وعيالج ابدا باهتمامج من الشغل
لانه اليهال يبون يشوفون والديهم حذالهم دايما
والشغل وايد يبعد هالشي
اممم بخصوص العاملات
ممكن تروحين مكتب الخدم تقوليهم ابى وحده تكون عندها خبررره فالخياطه مثلن او المكياج
وجيه تتشرطين عليهم
او بخصوص الحنا عادي سالي العاملات في الصوالين الحناا اذا عندهن ح يعرفو تبى تشتغل عندج وجيه
يعني احتكي وياا راعيات المهنه جيه بتسهل علييج ^^
فيه وايد يعرفن هالسوالف اما مسافرات او فيبلادهن يسون هالشي وجييه
ربي يوفقج اختي