انا كتبت الموظوع بالقسم العم فقالتلي اختي انهم بيحذفونه لأن الموضوع مش في المكان المناسب فنسخته في هالقسم عسب ما ينحذف واستفيد من نصايحكم …
بنات دخيلكم ساعدوني انا محتاجتنكم وااااااااايد ومحتاجة لنصايحكم …
البارحة يونا عرب البيت وطلبوا ايدي حق الزواج والحين الكل يباني افكر بالموظووووووووع ..
المهم الريال يقول انا ابغي ايلس مع الابنية قبل الخطوبة عسب اعرفها واتعرفني واذا اتفقنا بنكمل الخطوبة وبنخطب رسمي وبنتفق على المهر وهالسوالف ..
واذا ما اتفقنا مع بعض كل واحد يروح بدربه و ولا جنه صاير شي …
المهم انا الحين خايفة وما اعرف شو اسوي اخاف اسوي اي شي غلط لأنه يشتغل بالشرطة وبقسم التحريات
اخف اسوي اي شي من غير قصد ويفهمه بأسلوبه !!!
المهم انتوا الحين ابغيكم اتخبروني
هل اقابله والا لاء ؟؟؟
واذا بقابله شو البس جدامه ؟؟
وكيف ادخل الميلس واسلم عليه يعني بأي طريقة ؟؟
وانا ابغي اعرف شخصيته واسلوبه شو الاسألة اللي تنصحوني اني اسأله عسب اعرفه بلييييييز والله انا ما اعرف افتح مواظيع بليييييز ساعدوني ؟؟؟
بليز بنات ساعدووووووووووني !!!!!
هيه صدق نسيت الريال اليوم بيشرف عندنا واذا ما كان اليوم فأكيد بيكون باجر دخيلكم ردو علي بسرعه ولا تبخلون علي بنصايحكم …
المشاركة الأصلية كتبت بواسطة (زمن قاسي) 
انا كتبت الموظوع بالقسم العم فقالتلي اختي انهم بيحذفونه لأن الموضوع مش في المكان المناسب فنسخته في هالقسم عسب ما ينحذف واستفيد من نصايحكم …
بنات دخيلكم ساعدوني انا محتاجتنكم وااااااااايد ومحتاجة لنصايحكم …
البارحة يونا عرب البيت وطلبوا ايدي حق الزواج والحين الكل يباني افكر بالموظووووووووع ..
المهم الريال يقول انا ابغي ايلس مع الابنية قبل الخطوبة عسب اعرفها واتعرفني واذا اتفقنا بنكمل الخطوبة وبنخطب رسمي وبنتفق على المهر وهالسوالف ..
واذا ما اتفقنا مع بعض كل واحد يروح بدربه و ولا جنه صاير شي …
المهم انا الحين خايفة وما اعرف شو اسوي اخاف اسوي اي شي غلط لأنه يشتغل بالشرطة وبقسم التحريات
اخف اسوي اي شي من غير قصد ويفهمه بأسلوبه !!!
المهم انتوا الحين ابغيكم اتخبروني
هل اقابله والا لاء ؟؟؟
مادام الغلا هو طلب يشوفج شوفيه ^^
واذا بقابله شو البس جدامه ؟؟
ألبسي عباه و شيله و كوني محجبه و شوي مكياج خفيف ^^
وكيف ادخل الميلس واسلم عليه يعني بأي طريقة ؟؟
دشي سلمي بس بلسانج يعني لا تمدين أيدج و أكثر شي شوفي تحت يعني كله خليراسج تحت
وانا ابغي اعرف شخصيته واسلوبه شو الاسألة اللي تنصحوني اني اسأله عسب اعرفه بلييييييز والله انا ما اعرف افتح مواظيع بليييييز ساعدوني ؟؟؟
من راي أكثر شي كوني ساكته خليه هو يرمس أكثر و أنتي حطي بهارات ^^
بليز بنات ساعدووووووووووني !!!!!
هيه صدق نسيت الريال اليوم بيشرف عندنا واذا ما كان اليوم فأكيد بيكون باجر دخيلكم ردو علي بسرعه ولا تبخلون علي بنصايحكم …
و إن شاء الله نسمع أنج بتملجين و عقب تعرسين و عقب درزن عيال ^^
صلي لج ركعتين استخارة واقري البقرة بتهون الأمور…
والبسي جلابية راقية محترمة أو تنورة وقميص….
وحطي جحال وغلوس وكان الله غفورا رحيما…
وإن شاء الله بتلقين نفسج عرستي وحملتي بعد..
مبروك مقدما والله يتمم لج على خير…
كنت قاعدة ويـــاا اهل خطيبي واشوي قالو لي والله المعرس بيدخل ..
قمت لبست عبايتي ورديت ..
ودخل سلم وقعد .. وانا قعدت بعيد طبعا عسب بس ايشوفني واشوفه ..
اشوي وروح .. وبس
المشاركة الأصلية كتبت بواسطة ام زايد## انا مع الاخت ام زايد و يزاها الله كل خير جوابها عيني و خذي بنصيحتها
أنا أحس إنج تقابلينه واااايد زين ونادر بنات ما تحصل ها الفرصه قبل الملجه.. لأنه هاي الخطوه مهمه .. وتدل إنه ها الإنسان حريص وواعي…
بس لازم يكون فيه حدود… أنا ف خطبتي لبست عباه و شيله لما يا.. مع إنه أهلي قالو مب لازم عباه.. تمي بتنورتج و لبسي شيله بس.. بس أنا قلت لا.. خلني أكون رزينه و ثقيله ههه… ولبست عباه فخمه و حلوه و ساتره في نفس الوقت…
ويوم بتدخلين.. قولي السلام عليكم وادخلي.. وأكيد هوه إللي بيبدا الكلام..
وجاوبي عادي بس طبعا لازم يكون فيه شوية مستحا…. ولا تقولين هو بيقول جيه ولا جيه عنج.. لأنه هذا بيربكج أكثر و ما بيخليج تتكلمين عدل…. عادي.. كوني على طبيعتج..
والسموحه اختي… هذا إللي أقدر أقولج إياه.. ^__^ الله يوفقج إن شا الله