خدمة الصبابات

السلام عليكم
خواتي بغيت أسألكم عن خدمة الصبابات اللي في الأعراس؟ شو أحسن خدمة شفتوها؟ وشو رايكم في خدمة (مرحبا) اللي تابعه حق قاعة أم المؤمنين اللي في عيمان؟ حد جرب خدمتهم؟ وشو رايكم في الخدمة؟
أرجوووووكم ردوا علي ضروووووري….

up up

up up up

الغالية مانصحج بصبابات الجمعية ابدا خدمة مب شي والدليل من يومين كنت في عرس والله شهيد على ماقول عنبوه العرس ماخلص ومع انهم يحطون وحدة مراقبه علييهم لكن والله العرس ماخلص وقامن يلقطن الفنايين من على الطاولات والدلال ولا ويغسلن الدلال والفنايين جدام الخلق وفي حمام القاعة انقهرت الصراحة وناوية حتى اتصل واخبر علييهم بصراحة الطلب ماشاء الله على الجمعية مايوقف ودوم يطوروون وهذيل يخربن علييهم
وفي خيم الضيافة في الشارجة نحن مجربين قبل لعرس اخوييه والحين هالاسبوع لعرس اختي وايد روعة ومنظمين الصبابة على 400 وطبيعا الحجز ويا المشروبات وتي ايراعوون هاللي اعرفه وان شاء الله موفقة

عندج ام حنان وام فارس شغلهم ماشاء الله مرتب ودوم نييبهم في الاعراس

اختي جربي الياسات لخدمات الافراح خدماتهم حلوه و راقيه و عندهم صبابات و احن جربناهم اكثر من مره الصراحه خدمتهم وايد حلوه و راقيه ..

والسموحه ..

عندج الصبابه ام خالد شغلها حلو ونظيف وماتشوفين مثله عند باقي
الصبابات يبتها بعرسي والحمدلله عليها بياض ويه
تسوي كل المشروبات الساخنه اللي متعودين عليها وزياده عليها كركديه اعتقد جي يسمونها
وعندها الفالوده وتقدم عصير العروسين لونه وردي
وحتى المعازيم كانوا مستانسين يقولون اول مره ناكل ايس كريم بعرس
الحمدلله كنا معتمدين عليهم بكل شي حتى بالعطور وبالدخون ماوقفوا
بالعرس ابد يتحركون من بداية العرس ليما خلص العرس وتراعي بالاسعار
واسعارها مناسبه