انا هالفتره متفيجه حق الميك اب وهالسوالف و تقريبا ساعه في اليوم لازم اقضيها في هالمنتدى الطيب وتجاربكم المفيده
قبل كم يوم شفت في موقع اجنبي خبيره تجميل تحط مكياج وكانت تمدح بلشر ماك الكريمي انه يعطي طله رطبه وفيها نداوه مثل مايقولون موب مثل البلشر البودره تحسين بجفاف وقشور على سطح الوجه
طبعا الترطيب اهم شي قبل بداية الميك اب
بشرتي مختلطه وخصوصا الخدود ومناطق في الجبهه جااافه وممكن تقشر مع استخدام مكياج بدون ترطيب
الحين سؤالي انا خذيت بلشر ماك الكريمي لكن شو طريقة توزيعه للي تعرف وعندها خبره؟؟ انزين انا يوم احطه حسب ماشفت بالاصبع واتم افركه خفيييف على المنطقه مثلا الخد وجذي للللللللللكن عندي استفسار وهو سبب هالمقدمه كلها
كيف اوزع هالبلشر الكريمي بدون ما اخرب البودره او الكونيسلر اللي تحته خصوصا للي يغطون اثار كلف او حب شباب
السؤال الثاني هل البلشر الكريمي مع الوقت يطلع حبوب لانه دهني؟؟ في موقع اجنبي بعد كم وحده يشتكون زادت الحبوب بسبة هالبلشرات الكريميه
بربرت وايد بس عادي ستات X ستات وفاهمين بعض ههههههههههههههههه
ياليت تفيدوووني واكون لكم من الشاكرين وادعي لكم بعد
اول شي حطي فاونديشن وعقب بصبعجد حطي البليشر ووزعي ع شكل الي تبينه بس حاولي لونه يكون غامج لانه عقب نا تحطين عليه بودره راح يفتح لونه شوي وعقب حطي البودره طبقه رقيقه وايد يعني بس مره
والسمووووووووحه
انا تميت ادور في النت ولقيت فيديو يعلم كيف تحطين البلشر الكريمي
المهم هو رجال اللي يعلم يقول ان البلشر الكريمي لازم ينحط على كريم اساس سائل موب بودره مضغوطه وعقب تحطين فوقه البودره عشان تثبته
واذا انتي من اللي يستخدمون البودره المضغوطه بس قال رشي على خدج بس من فكس ماك وانتظري شوي وبعدين حطي البلشر الكريمي بطريقة التربيت بالفرشاااه تربيت تربيت تربيت فقط وبعدين حطين البودره فوقه عشان يثبت
سالفه صح؟؟ ههههههههههه حبيت افيدكم بما انكم ماقصرتوا ورديتوا ع سؤالي
اذا كانت اساسيته صح مثلاااااا
تحطين الكريم المرطب اللي يكون بيس
عقب تحطين البودره او كريم الاساس وعقب اللوس باودر اذا استخدمتي الكريم اساس فقط
عقب تحطينه باصبع الخنصر اللي هو الصبع " اللي تلبسين فيه الخاتم قبل الاخير قصدي "
ابتسمي وحطي كريم الاساس " مال اول " وزعيه ع الشكل اللي يناسب شكل وجهك
وعن سالفه الحب اذا انتي معتنيه في بشرتج تنظيف البشره من المكياج وتونك
ما بيصير حب وانا مجربــــــــــــه هذا الشي " النظاااااااااااافه "
ياختي شو تقصدين بتنظيف البشره؟؟ انا استخدم غسول خاص من الدكتوره مرتين في اليوم
غير اذا كنت حاطه ميك اب عندي مزيل مكياج من اكثر من ماركه مثل كلارنس وبودي شوب والحمدلله انا مااحط ميك اب وايد يعني اكثر شي مره في الاسبوع
واذا عندج طريقة تنظيف معينه افيديني ولج الاجر