خبروني خواتي هل كل الريايل جذيه؟؟؟

السلام عليكم ورحمة الله وبركاته..

انا فيه شي مضايقني من زمان و ساعات اعتقد انه سبب من اسباب رفضي الدائم للخطاب..

قصتي بالمختصر اني انخطبت من زمان و كملت فترة طويلة مخطوبة بعدين انفصلنا ..بس خلال فترة الخطوبة كنت اتواصل مع خطيبي بالتيلفون بعلم الاهل ..حتى كنا نقعد اهلي واهله كلنا مع بعض و يكون هو وانا موجودين ..مايخلوونا بروحنا ابد..

بس كان صراحة يدقق ..يعني لو لاحظ شي في ويهي مثلا شعر او حرق او اثر لحبوب ..يقعد يسأل شو هذا و من شو و و و و

يعني وااااااااااايد يدقق .. مثلا مرة قالي شو هذا فوق شفايفج ..فكرته شنب ..مع اني والله هذيج الايام ويهي صاااااااااااافي ولا فيه شي ..وايد اتضايقت واااااااايد بشكل ما تتصوروون اتضايقت ..قلت حشى عيل شو بيقول لو شاف جسمي بيقعد يدقق لين ما يعقدني

بس الحين خلاص انفصلنا من زمااااااااان

بس سؤالي الحين للمتزوجات ..
هل الريال من طبعه يدقق لهدرجة؟؟؟

لو هذا هو الواقع ..بسوي واحد من الاثنين..يا بسوي عمليات تجميل لجسمي كامل ..يا اني ما بتزوج للأبد ..
مع اني ما اعاني من مشاكل كثيرة في بشرتي بس بعد ..ما احب حد يدقق جذيه و يعقدني..

اتريا ردودكن

لا مب كلهم جي

هلا حبوبه فديتج على حسب الريال يعني شي رياييل يحبون الكشخه طبعا يهتمون بالجسم والويهه ويلاحظون الاشيا الدقيقه وشي رياييل مايهتمون لهاالسوالف يعني شي جذا وجذاك من النوعين وانتي غناتي لاتعقدين في روحج خليج واثقه من روحج

امممممم .. في رياااييل يدققووون وفي رياييل عادي مب وايد يلاحظون ..
عني انا ريلي عادي مب وايد يلاحظ بس مرات هههه بس انا طاااف يعني اقوووله من الله ههههه.. وابداً لا تحاتين هالشي خلج واثقه من نفسج ولااااااا تحطين ف بالج هالاشياء .. والله يرزقج بالريل الي يشوفج ملكة جمال العالم ^_^ ..

لاغناتي مو كلهم جيه بالعكس في رياييل يهتمون بالمظهر الداخلي أكثر يعني اسلوبج رقيج بس مو تدقيق

لا عزيزتي تطمني مب كلهم جي .. حشااااا بيطفرونا بصراحه ..والوحده بتفقد ثقتها بنفسها بهالطريقة !!!

انا ريلي ايدقق واااااااااااايد
ويطالع كل شي..واذا طلعت حبة في ويهي يظايق^^