خاواتي مالي غيركم افضض لهم
الظاهر ان حياتي الزوجية بتنتهي بسبب تاخر الحمل
زوجي يبي عيال ما يابي يتريا العلاج والانتظار
طيب اانا شو ذنبي مشيئة الله وصبرت وقلت الحمدلله
والله قلبي مفطور علا العيال اكثر منه ىبس شو بسوي
الحمدلله علا كل حال
اليوم قالي كلمه جرحتني وحلفت ما اكمل علاج واذا يبي عيال يطلقني ويتزوج
والله اكتب ودموعي علا خدي
ما دري شسوي
حلف ان ما يقصد
بس الكلمه طلعت منه وجرختني
ياااااااااااااااارب انك ترزقني بالحمل عاجل غير اجل يارب
لازم يعرف ان الحمل مب لعبة بيدفع فلوس و يشتريه
لا هذي اختبار و ابتلاء للعبد
هدوا الزعل و بعد الحج سيروا العمرة و ادعو هناك صدقيني ربج ما يردج
مشكورة علا الرد والله هالكلام يبرد النار الي بداخلي
احيانا احس اني عمري ما راح احمل
لاتضايجين حبيبتي.. وهالشي كله بأيد رب العالمين فهمي ريلج هالمعلومه لاتيأسين وبعدين لاتطرين الطلاق والله ياما ناس ندموا بعد الطلاق … اتعوذي من الشيطان
وبعدي بقولج شي انا احين بكمل سنتين بعد شهر صدق قبل وايد كنت اضايج واصيح والحمدلله هالسنه تعالجنا انا وريلي وخلاص مابي ادويه وسويت لنفسي جدول اني ادوام ع قراءة سورة البقرة يوميا وسورة مريم واشرب ماي زمزم والاستغفار احاول استغفر ربي 100مره واحيانا اكثر, عودت لساني ع الاستغفار ع اي شي الحمدلله لك يارب … ودايم اي وقت ادعي هالدعاء(ربي لاتذرني فرداً وانت خير الوارثين) وايد ارتاح يوم اسوي هالاشياء يومياً …. ومن فتره صار لي دوم احلم اني اربي وعندي عيال واشياء وايد فسرتها وتفسيرها طلع باذن الله حمل قريب والله كريم … وهالايام انا وريلي انشالله بناكل عسل طبيعي ع الريق يوميا…… وااايد واثقه برب العالمين انه بيرزقني …
وسوري اذا طولت عليج
لاتيــاسين وقولي لريلج هالكلام كل تأخير بإذن الله بتكون خيره لكـم ولنا جميعا
يالله ياكريم ياذو الجلال والاكرام ارزق ام شهد وارزقنا جميعا بالذرية الصالحه بالقريب العاجل اللهم آميييييين
كلنا صبرنا سنييييييين و لازلنا صابرين
احمدوا ربكم و اكثروا من الاستغفار
و لا تنسوا العشرة
و لا تنسوا انه رب العالمين ما ينسى عباده