اسمحولي على العنوان اللي يعور القلب …بس حبيت اوضح لكم نقطه لازم نتناقش فيها
انا الحمدلله حجيت ويا الوالده وعسى الله يقبل حجنا وما يردنا خائبين ان شاء الله
وطبعا دفعنا مبلغ محترم للحمله …. وما قصروا بصراحه من ناحية الاكل والنوم فقط
ولكن من ناحية المقارنة بالحملات في الدول الاخرى سواءا عربية اول غير عربيه
بصراحه للاسف الحملات الاماراتية ولااااااااااااااااااااا شي
اولا : البعثة الاماراتية او الجناح الاماراتية بمعنى اصح ابعد من باقي الحملات وتبعد عن الجمرات بنحو 3 كيلو
يعني تخيل تمشي امك 3 كيلو ساير و3 كيلو راد
ثانيا : اذا كان المخيم بعيد ليش ما توفر عربات الكلب كار (عربات القولف) اللي موفرها الجناح القطر والكويتي برغم من قرب مخيمهم من الجمرات
ثالثا : عدم وجود حراس فالمخيم(سكريوتي) كل شوي داخل علينا متسولين واغراضنا خلينا فالفندق ما قدرنا ييبها منى خوف من السرقه
رابعا ؛ الوجبات تتاخر (نحن نغسل استعداد للغداء او العشا …والجناح العماني يغسل بعد ما خلص الوجبه
خامسا : الحمامات مشتركاه مع الجناح العماني يعني لازم توقف فالطابور وقدامك 30 او 40 شخص بالدور
سادسا : سائقي الباصات ما يدلون شي في مكه ولا يعرفون وين سايير وباقي الدول مستاجرين دريوليه من السعوديه (واهل مكه ادرى بشعابها)
سابعا : الخدمات الطبيه صففففففففففففففففففففففففففر …. انا التوى كاحلي وسرت عيادة المخيم الكويتي
ثامنا : فعاليات ومحاضرات ولاااااااااااااااااااااااشي (فيه بعض المتطوعين يحدثون بعد كل صلاه 10 دقايق) فقط
وتعال وقارن مع الجناح السعودي او القطري او الكويتي….ولا اقولك البنقالي والله يا جماعة الخير فرق السما والله
والشخص ما يكلف حتى 7000 درهم عندهم
وعندنا 30 او 50 او حتى 70 الف درهم
وعندنا الحمدلله الخير وايد والامارات تعد من اغنى الدول …. بس للاسف ما في ناس تخطط وما في ناس اطالب بحقوق الدول وحجاج الامارات
قطر دافعه فلوس علشان المكان القريب من الجمرات …. وليش نحن ما ندفع
اخر شي رحت وحجزت ايام التشريق فالجناح السعودية ودفعت 6000 درهم عني وعن الوالده وغرفه خاص لي انا والوالده
اسمحولي يا جماعة الخير وترى الكلام بعده وايد على النتقادات بس ما ابا اطول عليكم
تحياتي للجميع
الصراحه انا عانيت من نفس المعاناه ويمكن اخس بعد وصدقوني اني دعيت على المقاول
كل وحده اتحط لنا تجربتها في الحج اسم الحمله وكم دفعت والخدمات عسب اتكون عظه حق اللي بيسيرون السنه اليايه ان شاء الله
وماقول الا الله يسامح كل من مدح الحمله من بنات المنتدى
وحملتنا روووعه بمعنا الكلمه والحمدلله موفره النا كل شي..
الحمامات خاصه فينا داخل غرفتنا الي في منى.. وكانن تفريبا 4 حمامات ومش لكل الحمله لا والله بس لعايلتنا لانه كنا وايدين وماكنا نبا نختلط بناس ثانين .. والبوفيه جدام الباب محد يخصه بلبوفيه مالنا وبوفيه الشباب غير طبعن عن مال الحريم..
والاكل نظييييييف وفي عرفه والله صياني الذبايح داخل خيمنا توصل ماشاء الله ..ووقت الجمارت مخصصتلنا الحمله كشافه معانا عن لحد يضيع..
ووايد اشيياء اوكي
الصرااحه مش كل الحملات وااحد.. سرنا وردينا ولا قصر علينا اي شي الحمدلله..
ونحن دووووووووووووم اقل من دول الخليج وهمه يدفعون اقل عنا بوااااااااااايد
بس يختي مبلغ خيالي بالنسبه لباقي الحملات بالخليج يعني همه يدفعون 15 بالكثييييييير ونحن ندفع اضعاااااااااااااااف هالمبلغ