حلقات بنكهة الفراولة سويت سهل يشبه راحة الحلقوم ينفع اهداء وللضيوف والتوزيعات ^_^

مراحب حبايبي ..

حبيت اعرض عليكم اليوم طريقة عمل حلقات جيلي الفراولة …. اتمنى الصور تشرح الطريقة عدل ^_^

ملاحظة الموضوع ناقلتنه من وحده اجنبية يعني مب تنفيذي بس انا ترجمته لكم وعدلت الصور

المكونات:

2 علب جيلي اي نوع حشب الرغبة والنكهة اللي تبينها

5 شرائح جيلاتين متوفر في الجمعيات في رفوف الجيلي مب شرط هالنوع في انواع مكتوب عليها جيلاتين

سكر كوب ونص

ماء كوب واحد

الطريقة:

نذوب السكر في الماي الساخن ونضعه على النار

ويوم السكر ذاب كامل نضيف الجيلي وننخلطه الى ان يذوب الجيلي كامل

نضيف الجيلاتين حتى يذوب

نسكب المقادير في صينية مغطاة بورق زبدة

نخلي الصينية شوي في الثلاجة حتى يتماسك شوي وتقدرين تتحكمين فيه

بواسطة ورق الزبدة نقوم بلف الجيلي بهالطريقة

نقوم بقص حلقات من الجيلي

نضع الحلقة في السكر

الصورة النهائية

وبالعافية عليكم اتمنى عجبكم الدرس

واااايد حلو ومرتب شكله ….الله يعطيج العافية

وايد حلو تسلم ايدج لكن ما ينفع الجيلاتين الباودر اللي يشبه السكر لازم الشرائح ؟؟؟؟

المشاركة الأصلية كتبت بواسطة se_haniah

وايد حلو تسلم ايدج لكن ما ينفع الجيلاتين الباودر اللي يشبه السكر لازم الشرائح ؟؟؟؟

يصير عادي حبيبتي اي نوع جيلاتين

woooooooow
amazing 7abebte
thanks alote

يسلمووووووووووووووووو

ماشاءالله رؤووووووووعه

تسلم هالايادي خليجية

اترك تعليقاً إلغاء الرد