حبيت افيد الخوات بشغله بسيطة بس مهمة
طبعا انا ما بشرح و لا بعيد اللي قالوا خواتي العضوات من اهميه تظافة المنطقه و تنظيفها
انا هني عسب اللي يعانون من صعوبه الحف و آلامه
خصوصا للي تستخدم الحلاوة
انا كنت استخدم الحلاوه اللي لونها شرات العسل و كانت تذوب و تلعوزني و اتم وقت طويييل و احيانا اتملل و ما اكمل
بس اليوم جربت هالحلاوة مع اني دوم كنت اخطف حذالها و لا اشتريها
اليوم جربتها و تفاجأت انها ابدا ابدا لا تذوب و لا تلصق فاليد الا بنسبه 2% يعني شي بسيييييييييط
الشي الحلو فيها انها ما تلصق على كل الشعر اللي تحطينه عليها فيوم تسحبين بتشيل كميه بسيطه
يعني ما بترفع الجلد من مكانه .. يعني ألمها اخف بوااااااااااايد
و الكميه البسيطه اهي اسهل و اخف ألما بواااايد (في ألم أكيد بس بتتحملووونه باذن الله) و صدقوني بتكونوا سريعييين لانكم ما بتاخذوا بريك راحه ابدا
و المكان ما يصير يلصق و لا غيره و ها شي مريح لج و لا بتحسين ان جسمج يلصق
و انصح العرايس اليداد سيروا خذوها لاني شراتكم عروس يديده و كنت احاتي كيف بحف قبل العرس و الحمدلله لقيت هالحلاوه و بستخدمها قبل العرس و دوووووم باذن الله
اهو موجود فالجمعيات و انا خذته من السفير و جيمته 7ونص بسسسس
و حاطتنه برع و لا ذاب و لا تأثر (مو شرات الحلاوه الثانيه لازم ثلاجه)
و اهي فيها 10 اكياس بتكفيج ل 10 مرات باذن الله
اسمحولي جان طولت عليكم و انشالله ان الخوات يستفيدوووون منه
و طبعا اللي جربته من قبل تقول رايها .. و سبحان الله يمكن يفرق بين بنيه و الثانيه
فامان الله
انا صارلي سنه ونص استخدمها
احسن من حلاوة ميم وتنظف اكثر
شي منها اييج بزيت الزيتون وشي
منها تيي بالعسل وبالليمون
بس البيضه افضل نوووع
و اتمنى اللي ما كانت تعرف عنها تجربها