شحالكن خواتي؟ فالبداية اباركلكم الشهر الفضيل والله يعوده علينا وعليكم بالصحه والعافيه
في موضوع ربيعتي استشارتني فيه وبصراحه انا روحي محتاره فحبيت آخذ رايكم فيه
البنت متقدم لها شاب محترم واخلاقه وايد عاليه وماعنده خرابيط ومكون نفسه وحالته ميسوره وباني بيت بيخلص عقب كمن شهر…هي عمرها 24 وهو 27 يعني الفرق بينهم حلو ومناسب
بس في مشكله وحده خلت ابوها يرفض! ان الولد هب مكمل تعليمه! يعني عنده ثاني ثنوي بس ويداوم فالشرطه وهي دارسه وعندها ماجستير ومنصبها زين
هي ماعندها مانع من حيث المبدأ دام الريال واهله زينين بس في نفس الوقت راي أهلها الاهم
شو رايكم فالموضوع؟ توافق عليه وترمس اهلها ولا تاخذ براي ابوها؟ هي طبعا في كلتا الحالتين مابتعاند اهلها بس تحاول تكلمهم اذا في مجال!
وهي تقول عقب بينها وبينه بتحاول تقنعه يكمل اذا اضطرت ظروفهم! خاصة انها وايد مرتاحتله عقب الاستخاره
وهم متمسكين فيها ومستعدين يخطبونها اكثر من مره
باب النقاش مفتوح خواتي
وشكرا
بس لاازم يحترموون راي البنت ..~
والله ايوفقهاا ..~
دام ان الريال زين حمدلله وحالته زينة بس المشكلة فالتعليم.. بيكمل تعلميه ان شالله بعد الزواج
خصوصا ان حرمته بتساعده فالتعليم..
والراي رايها ولازم يحترمون رايها..
والله اعلم ويوفقها يارب
شو يعني لو مب داارس ؟
والله الناس تفكيرهم سطحي جدا
يعني لو مب مكمل جامعه يعني هو
مب متعلم ؟مب متربي ؟مب محترم
والله استغرب من هالناس وايد
تسلمن ع ردودكن الطيبه
انا معاكم انه هالشي سطحي واهم شي المضمون
الله كريم وادعولها