من فترة تقريبا بنكمل سنه كان شوي مشاكل في حياتي بس الحمد الله الحمد الله الحمدالله عدت ع خير بمساعدة امي الله يحفظها ..
في انسان كان يرمسني قبل شافني في التدريب في الداوم المهم تم وراااااااي ورااي ملعوزني وابدن هالانسان ماكان داخل خاطري بس لانه هاذيج الفتره كنت بحاجة حد ارمسسه في وقت فراغي لانه كان عندي وقت فراغ طويل فرمسسته بس جذه والله وكل يوم هو اللي يتصل مب انا وصار يلعوزني وااايد باتصالاته احس ان ماكان عنده حد غيري قمت اتضايج لاني مشغوله فماابا ارمسه قمت اطنشه واطنشه مارد عليه الا اذا فضيت رمسته شوي ..المهم مرت الايام وتعلق اكثر وانا مليت وهالشي مب من طبعي انا ارمس شباب قلت بسوي اي شي عشان اودره وابعده عن دربي ..
قلتله انا خطبني واحد وخلاص مابرمسك والله يوفقك .. كبر الساللفه والسالفه ماتسوى وقام يهدد وقالي ويت ويت بند عني وطرشلي ارقااااااااااااااااام اهلي كلللللللللللللهم وقالي بعد تبين عندي زووووود ..انا انصدمممممممت كيف طلع ارقام اهلللللللللللللللي وشوي وقام يطرشلي بن كود اخوي وقالي ترا اخوج عندي ضايفنه في اللسته وطرش صور اخوووي ..
المهم اني ماعبرته قلتله اللي ماتقدر تواصله بايدك واصله بمادري شو …الخ وصكرت التلفون بينت له اني مب خايفه .. اليوم الثاني الصبح يوم الجمعه شفت تلفون امي يرن وامي مب موجوده قمت وشفت الرقم رقممممممممممممه ياناس متصل في امي ورديت وسكت وعرفت ان هو وبندت التلفون رد واتصل مره ثاني هالوقت يت امي وردت بس تم ساكت حسبي الله عليه ..
ع طوول خبرت امي بالسالفه كذا وكذا الحمد الله امي من النوع المتفاهم تفهمت الموضوع واتصلت فيه ماطاع يرد عليها وتمت امي حارقه تلفووووونه اللين رد عليهااااااااا ورمسته وهزبته وقالها خلاص انا مالي شغل ويا بنت ومن هالكلام والله يوفقها ..
بعد مرور سنه من هالسالفه وانا قلت خلاص الحمد الله اني ارتحت منه ومن مشاكله رد يطرشلي ايميلات على ايميلي ويقولي ترا اخووج مازال عندي في اللسته البلاك بيري واخوج ع مااظن مايعرف شي عن السالفه ..اذا ماتبين اخوج يعرف ردي رمسيني نفس قبل وانا اوعدج مابخبر اخوج ..وهو اصلا جذاااااااااااااااااب عووود وكل وعوده جذب وانسان مريض نفسيا ويحب المشاكل .. والله مب عارفه شو اسووي المووضوع واايد مضايجني
مب عارفه كيف امسحه من تلفون اخوي بدون مااخوي يعرف بالسالفه كيف اخذ تلفون اخوي وفي نفس الوقت مب قادره ارمس امي في الموضوع واذكره بالسالفه الاوليه خايفه ماتتفهم الموضوع ..
للعلم هو مايعرف رقمي ولا يعرف اسمي الصدقي بس انا خايفه ان يووصل الين باب بيتنا ويسويلي مشاكل هذا اللي انا خايفه منه …
اموووري مب ميسره من يوم عرفت هالانسان كل شي اسوي يرد ضدي لا في النجاح من الجامعه ولا في الوظيفه ولا حتى في الزواج كل شي يخترب من بعيد قبل لايوصلي .. 
عورني قلبي عليج ياختي
يعني اوكي انتي غلطتي .. هالشي صحيح وما ننكره
لكن صلحتي غلطتج .. وكلمتي أمج … وحليتي الموضوع
شو يبا هذا ! .. حسبي الله فيه ونعم الوكيل .. حسبي الله ونعم الوكيل
اللي عليج سويتيه فديتج والموضوع منتهي، لكن شكله فاضي وما يخاف ربه
لا تحاتين ان اللي سويتيه هو السبب في عدم تيسير امورج .. انتي تصرفتي صح والله عالم بالنية
فتوكلي على ربج و الله من عنده بيحلها وبيبعده عن دربج
صلي قيام الليل وادعي عليه وان الله يبعده من حياتج كلها .. والله يالغالية ان قيام الليل مفعوله عجيب ولا تنسين هالشي
كثري من الاستغفار والصلاة على النبي .. هذيلا الاثنين اثرهم مب بس بيبعده عنج .. بس بيصلح لج حياتج كلها وبتتوفقين في كل امورج باذن الله
توكلي على الله و لا تخافين منه ..ولا تردين عليه ابدا .. واحقريه نهائيا .. ولا تفكرين مجرد تفكير انج تردين عليه وتهددينه بشي او تترجينه .. أبدا
بس توكلي على ربج و الله ما يقصر مع عباده
وطمنينا عنج
ماعرف شو اقولج
امممم ها شكله واحد مايخاف … وراعي مشاكل من الدرجه الاولي
انتي هدديه بشرطه ونج بتخبرين اخوج عنه شوفيه يمكن بخاف؟؟؟
وربي ايسر لج امورج الغلاااا
وجعلنا من بين ايديهم سدا ومن خلفهم سدا فأغشيناهم فهم لا يبصرون )
وتوبي توبة نصوحة لله انج ما تردين لهالسوال فمرة ثانية
عشان ربي يبعده عن طريجج
المشاركة الأصلية كتبت بواسطة عالية الغالية 
وجعلنا من بين ايديهم سدا ومن خلفهم سدا فأغشيناهم فهم لا يبصرون )
وتوبي توبة نصوحة لله انج ما تردين لهالسوال فمرة ثانية
عشان ربي يبعده عن طريجج