خواتي اليوم الظهر اتصلت علي وحده وانا ماكنت موجودة وتيلفوني فالبيت تراني ما وديه وياي
المهم اتصلت ابها قبل اشوي
جان اتقولي انتي مريم الشحي؟؟ قتلها هيه
قالت نحن شركة المانية للتجميل شي جذا مب فاهمه موضوعها بالضبط وقالت انه اسمي كان امرشح من ضمن الخوات ولمن سألتها عن الي رشحتني قالت نحن بين فترة والثانية ناخذ الاسامي من الزباين وما يهمنا اسم الاخت الي رشحت وكذا لأن كل الاسامي تدخل الكمبيوتر وبالقرعه يتم السحب ,,المهم زبدتها انه لي موعد بيسوونه لي ماعرفت عليها عدل ,,اونه تنظيف بشرة مادري شو ؟وقالت ان حبيتي تاخذين شي ارتحتيله ممكن تاخذين من عدنا عاد مجانا ولا ابيزات مادري
وقالت انه المفروض اليوم هم يحجزولي كون الخبيرات الي عندهم كانوا فراك وقالت ولا يهمج هم بيردون اييون الاحد او الخميس اختاري الي يناسبج وفالج طيب قتلها اوكي خلينا عالخميس والساعه 8 ووبس ها الي صار
مادري احس نفسي غلطانة يوم حجزت ومادري ليش متردده؟؟اصلا منو هاي الي رشحتني وليش بالذات شركة تجميل الي تختارني ؟؟؟
ماعرف احس نفسي محتارة
هل وحده فيكم مرت ابهالموقف ولا؟؟
طمنوني الله يطمنكم
كنسي الموضوع عادي
انا يوم اتوهق انطنشهم يوم يتصلون فيني
هاي شركة ترويجية تبا اتروج بضاعتها
و بهالطريقة تقدر تغسل عقل الزبون انه يشتري كريماتهم
والله ما دري شو اقولج بس لو كنت بدالج بقول لهم مابا وبسكر عنهم
نصيحة لا تروحي
وتمت اتقولهم تنظيف البشره اللي فالصالونات هب زين والبخار اللي يستخدمونه هب زين اونه يوسع المسامات
واونهم شركه المانيه وكريماتهم طبيه ..
بس ع رمسة خالوووه قالت حسيت ويهي ناعم ونظيف وحلو خخخخ
وهم اصلن من دبي ..وعندهم صالون بعد ..
انا شخصيا اخر مرة اتصلوبي من جم شهر .. ونفس القصة اللي قلتيها .. انا رديتهم على طول .. لان صج بيسوولج تنظيف بشرة مجانا وعقب بتنحرجين باسلوبهم العجيب وبتشترين من منتجاتهم..
وعقب ما تخلصين بقولو لج رشحي لنا 3 من صديقاتج .. وجي السالفة
وترومين تلغين الحجز