يقول الامام الشافعي :
شو ايقول !!
ايقول الله ايسلمكن من كل شر
سافر ففي الأسفار خمس فوائد: تفريج هم واكتساب معيشة وعلم وآداب وصحبة ماجد
من كثر حبي للسفر وتجاربي،، وترتيبي لسفراتي بروحي
وحب التنظيم والاعداد والتجهيز لرحله لاتنسى طول العمر
حبيت اني اساعد خواتي الجميلات في منتدى سيدات الامارات على حجز التذاكر والفنادق
وتوفير الوقت والجهد المبذول في الاعداد والتقديم ( هههههه وايد مندمجه )
عسب احصل على دعوات حلوه منهم ويمكن بعد هدايا من الكريمات لووووووووول
وفوق ها كله في بعض السفرات عندي برنامج يومي شامل للسفره بالتفصيل الممل
وكيفية التنقل بالقطار نقطه بنقطه ( بس انتبوا مب كل السفرات اقدر اوفر هالبرنامج)
حاليا موفرتلكن باكجات سفر لدول معينه فقط
عسب ان زيدت السيرش في اكثر من 3 دول راااسي بيدور
ما عليج إلا تختارين البكج اللي تبينه وانا اقدر اغير واعدل فيه على راحتج
بسم الله نبدأ بأول دوله
1- لندن (عاصمة الضباب)
7 ايام و6 ليال لشخصين في فندق 4 نجوم بالقرب من الهايد بارك
والرحله على طيران الامارات الدرجه السياحيه
اجمالي التكلفه فقط 16500 درهم
2- فيينا (ليالي الانس في فيينا نسيمها من هوا الجنه، نغم في الجو له رنه)
7 أيام و6 ليال لشخصين في فندق 5 نجوم
والرحله على طيران الامارت الدرجه السياحيه
اجمالي التكلفه فقط 14600 درهم
أما الرحله على درجة رجال الأعمال
اجمالي التكلفه فقط 30000 درهم
3- باريس (مدينة النور والعشق والرومانسيه)
6 أيام و5 ليال لشخصين في فندق 4 نجوم في الشانزلييه
والرحله على طيران الامارات الدرجه السياحيه
اجمالي التكلفه فقط 15500 درهم
أما الرحله على درجة رجال الاعمال
اجمالي التكلفه فقط 40000 درهم
الأسعار شامله جميع الضرائب
للرفع
بس لو طرحتي هالموضوع في القسم البرونزي بيكون أحسن لج
لأن هناك العالم تكون مرتزة طول اليوم ^_^
وان شاءالله البنات يستفيدن منج
المشاركة الأصلية كتبت بواسطة kash5ah_girl 
بس لو طرحتي هالموضوع في القسم البرونزي بيكون أحسن لج
لأن هناك العالم تكون مرتزة طول اليوم ^_^
تسلميـــــــــن حبيبتي على الطله الحلوه ،،،،
انا عرضت الموضوع اهنه لاني حابه اساعد البنات فري من غير بيزات
وهالقسم مخصص للسياحه وليس للتجاره وهذا هو هدفي حبوبه ^^
يعني كأني يالسه ارتب سفره حق عمري واحط المعلومات اللي حصلتهن عسب البنات ايحصلونهن جاهزات من غير تعب واللي تباني اساعدها واحجز لها كل شي بعد انا في الخدمه =)
المشاركة الأصلية كتبت بواسطة انسام الحنين وان شاءالله البنات يستفيدن منج
مشكووووره الغاليه على الدعوه الحلوه
وإن شاءالله اساعد البنات بكل اللي اعرفه سؤاء من تجربتي او من كثرة قراءاتي وبحثي