طبعا مثل الكل يعرف عقدتنا هالحبوب وكل وحده تختلف عن الثانيه ..
بس خواتي انا بتكلم عن تجربتي وابا رايكم …
بدايه المشوار بديت بالحكومي ..اصرفولي ريتين أ الله لايراااويكم كيف دمرني 
ماحبيته خير شر …
عقب قلت نروح للخاص ونشوف …رحت لعاطف سدراك منو مايعرفه هالدكتور الشاطر … اول جلسه ارتحت حسيته اوكيه عقب ..بدينا بالاثار قال نحتاااي اليلسه الثانيه وهي …(( حبوب الروكتين )) هنيه خفت وشردت ^^
عقب 5 شهور ردن بشكل خفيف حبه وحده والاثار موجوده بقع صغيرونات بش شكلها مو حلو للي تعودت ويها بدون ميكب كل يوم عفته هالكونسيلر… عالعموم
كملت المشوار الي ان رحت للدكتوره … سعاد لطفي … قال مالج الاا حبوب الروكتين … بس سته شهور فقط … وهي بنفسها استخدمها لعمرها مدة سنه كامله وتحلف @@ .. المهم قالت لاتقرين بالنت وخربطان والاثار بس استمري ع العالج شوفي عقب بس لاتوقفين بيكون فيه متابعه معاج لين تخلصين .. وعطتني غسول لويهي حسيته روعه استخدمته مع الكريم المرطب هههههههه ويهي صفا قبل لا اخذ الحبوب ….
شورايكم اطبها ههههه شرات الدكتورو عاطف…
السؤال … حبوب الروكتين هل هي فعلا الحل النهائي للبشره واثاره حتى لو انها بسيط ؟؟؟ بس انا استغرب ان ويهي مافيه شي وايد بسيط والله بسيط
الي جربت هالحبوب تخبرنا عنه واذا ع الجفاف هينه والله .. بس خوفي ع الكبد ولا الكلى عقب…؟
بس بغيت اسالج اختي شو اسم الغسول اللي تستخدمينه ؟
وهل ياب لج نتيجة؟
والدكتوره سعاد في اي اماره؟
لاني نفس حالتج تقريبا تظهر لي خفيف><
المشاركة الأصلية كتبت بواسطة أسمحلي اشوفك 
بس بغيت اسالج اختي شو اسم الغسول اللي تستخدمينه ؟
وهل ياب لج نتيجة؟
والدكتوره سعاد في اي اماره؟
لاني نفس حالتج تقريبا تظهر لي خفيف><
الغاليه
الغسول حسب طبيعه البشره اللي لزووم تسخدمينه
وخلاف شردت ع قولتج ,, ونفس الرمسة الي قالتها لج قالتها لي اونه استخدمته وتمدح فييه مدحححح
تقنعج الصراحة
وخلاف رديت ع الحكومي(عكسج) وع طوني رتن a هو اوكي بس يوم قريت ع اثارة الجانية تركته
لانه ما يطلع من الجسم 8 تشهر ويسبب تشوه للجنين يعني مب زين للي ع وش جواز ع قولت المصريين
ويربت المرة وما ناسبتني ,, يالله جان ريتي شي خبريني وانا بخبرج الحال من بعظه شو نسوي ..
الي جربته تقول وتفيدنا … اليوم يالسه اقرا عنه واعراضه خفت بس مع هذا راح استخير واشوف ابا افتك والله …
وانا صح فيني اثار بس احتمال تطلع تستوي حبوب لانها حمراء مو اثار جديمه …
الغسول اسمه ..teatree cleansing gel من شركة theraderm
وايد اوكيه بس ينفع للحبوب ينشفها تحسين ويهج جاف … يعتبر مثل الصابون بس سائل يحل مكانه فالاستخدام … لازم عقبها ترطبينه بشي …
… مانبا يوقف هالموضوع …. نشوف نتايجه وشو اخر شي بنوصل @@ اذا راد ربي والاستخاره ارتحت بكمل وبخبركن واذا مارتحت بوقف ….
بس بليز الي جربت تخبرنا وتفيدنا….
نترياااكم…
انا شراتج بالظبط اول شي تعالجت فالحكومي وعطوني رتن اي .. هو بس مقشر مايوقف الحبوب
اشتريته يمكن 3 مرات واستخدمته على فترات متقطعه( يعني كل فتره = شهر تقريبا ) مب كله ورا بعض .. اول فتره كان فيه تغيير بسيط بس عقب مانفعني ابدا وحسيته بس يقشر ويهي ويحرقني
وبعدين رحت عند دكتور ثاني فمستشفى حكومي بعد وعطاني ريكوتين .. على طول قالي اخذ 40 mg وبدون مايسوي فحص دم مع انه الي فويهي مب حبوب الشباب الحمرا لاء الحبوب الصغار البيض كانن يظهرلي تقريبا كل يوم حبه
<– الله وكيلج اول مره كلته نشيت لقيت ظاهرتلي حبه كبر ويهي وكان عدنا عزيمه هذاك اليوم
المهم فريته بالزباله .. وهالكلام كان من سنتين
والحين رديت استخدم الريكوتين مع دكتور فمستشفى خاص ووايد مرتاحه ^_^ الحين هذا 4 شهر والحمدلله الحبوب اختفن .. عطاني غسول اسمه exodream وكريم اسمه differen وكريم مقشر باحماض الفواكه قلت بستخدمه يوم بخلص علاج حق الاثار
هذي تجربتي .. واذا دورتي فقسم البشره بتلقين ملف حق البنات الي ياخذن ريكوتين .. اغلبهن استفادن منه ^_^
اتوكلي على الله واذا انتي مب مقتنعه فالشي لاتخلين كلام الناس يأثر عليج .. ودريه على طول ^_^
والسموحه