شحالكم .. عساكم بخير ..
انا صارلي متزوجه من 6 شهور ومع الايام لاحظت ظهور حبوب حوالي المهبل انحرجت اخبر زوجي بس بعدين خفته يلاحظ واظطريت اخبره
وكنا متوقعين ان هالحبوب شي عادي يعني من الشفره ولا الحلاوه
بس قلت خلني اتصل لدكتوره واسالها اتصلت لدكتوره مصريه ووصفت لها كيف شكل الحبوب
تعرفون شو قالت لي؟؟
قالت لي انتي عندج علاقات مع شباب تخيلووو انا هنيه انهرت قلت لها شو تقولين انا معرسه وخايفه ربي بعدين قالت زوجج عنده علاقات وان اللي فيج فايروس وزوجج نقله لج او انج انتي عندج علاقات
والله ماتحملت كلامهااا ويلست اصيح وخبرت زوجي وروحنا عند دكتوه غيرها وكشفت علييه
وقالت هذا فايروس اسمه hpv يعني الثواليل التناسليه وسببه عدوى اما من الزوج او المرحاض
وطلع عند زوجي بعد وتمينا نستعمل الواقي الذكري
المهم تعالجت منه باستخدام كريم وراح عني
ونصحتني الدكتوره اسوي مسح لعنق الرحم لان احتمال يكون الفايروس دخل لداااخل
وسويت المسحه
والحمدلله على كل حال
طلع في داخل بعد بس الحمدلله على كل حال
والله احمد الله واشكره على كل حال
المهم الحين انا سويت فحص ثاني ب 1500 درهم وطرشوه لالمانيا وهذا الفحص بيحدد هل هالشي خطر او لا
وخذت تطعيم بعد
والفحص بيحدد هل هالشي يتحول لسرطان عنق الرحم او مناعتي بتتغلب عليه
انا كنت متردده فكتابة الموضوع بس قلت اقول لكم وارجو دعواتكم
النتيجه باقي عنها 5 ايام وبتطلع
الحمدلله على كل حال
واللي يعرف حد مصاب عنه ينصحه بالمراجعه
اممممم ابا حد يكلمني عن هالفايروس اذا يعرف عنه اكثر
واللي مرت بمثل ما مريت فيه تفيدني وتفيد الكل
لا تخافين، ما يصير الا الي الله كاتبنه
وتوكلي على الله
والله يشفيج يارب العالمين
وطمنيني عليييج يالغاليه
كثري من الاستغفار الغاليه
يزاااااااااكم الله خيــــــــــــــــــــــــــــــــــــــــــــــر
واول ماتطلع النتيجه بخبركم
ظهرلي بعد مايبت بنتي .. 
ياويلي شكلي من باجر بسير المستشفى
توكلي ع ربك والله بيساعدك