عندي موضوع و ابغي اطرحه و حابة منكم تفاعل بليز و اكبر عدد من الأراء .. القصه طويلة و اطرافها زميلات في العمل ما بينا أي معرفه في السابق وانا الحين اكتب هالموضوع عقب عدة مواااااقف و مشاااااااااكل كثيره صارت بس على مدى سنين و شهور و بالاخير طفح الكيل وبالنهاية هو بناءً على طلب معظم زميلاتي … علّ وعسى.
تساؤلات كثيره في بالي لاني خلاص تأزمت من هالنفوس الضعيفه و القلوب الحاااااقده الي ماتذكر ربها ولا تتمنى للغير الخير وتحسدها على أشيا لااااااا تذكر عافانالله . صارلي اكثر من سنتين اداوم و علاقاتي في الدوام مع زميلاتي الحمدلله حلوة و نحترم بعض وعلاقتنا في بعض تتعدى الدوام بزيارات و سوالف و طلعات و غيرها و انا انسانه احب اصفي نيتي مع الكل ولا احب اجامل او ابني علاقاتي على مصلحة و غيرها… مع الوقت تغيرت النفوس و وصارت مشاكل ما احب اذكر تفاصيلها لاكن اكتشفت مع الوقت اني كنت فاهمه وحدة من زميلاتي غلط ..
صار الحقد واضح في شخصيتها و الانانيه و التكبر … تصرفاتها تغيرت وصارت مبنية على الانانية و حبها لنفسها و لمصلحتها .. كلامها صار لاااذع و صار البعض يتأذى من تعليقاتها و تصرفاتها. و تبين لي انها انسانه ثانيه ماتفكر غير في نفسها. تحقد وتغار لاتفه الاسباب و الدوافع عافانالله مواقف كثيره ضعفت شخصيتها في انظري. صارت حتى ما تمنع نفسها من انها تبين الحقد والغيره الي عمو قلبها لو حتى بدافع الاحترام و التقدير .. تستانس لما تجرح حد و تعق عليه رمسة ما تنقال في جو عمل… متعتها الكبيرة في الحش و القرض و التجمعات الي ما وراها غير اللعب باعراض الناس وصلت فيها المواصيل ترمس عن البنات برع الدوام في اسمائهن و تغلط بحقهن وماتخاف ربها بلسانها …
شو هالطبع الخايس؟؟
ليش في بنات جي؟؟؟؟
وين الوناسة يوم الانسان يكون بليا ضمير و بليا اسلوب طيب يخلي الناس تذكره بالخير من وراه … والله صارت عايشه ليلها ونهارها ما غير ندعي عليها ان الله يراويها و يرد فعايلها و كيدها و شرها فيها … من كثر ما هي صايره شر و وذا و ماتنطرى بالخير نهائياً. فوق هذا ياليت الها دور في الدوام … وكله تحلف براس ولدها و مب من شوي كل يومين طايح مريض ..
تتدخل في امور الغير و ماتشوف انها عيووب من راسها لساسها .. متناقضة و تبين للكل انها عكس هذا كله ..
منتهى الخبث
يمكن تقولون اني ابالغ بس صدقوني هالشي حاصل و هالانسانه شكلها ماراح تتغير .. طبيعتها جذي
و يمكن مع الايام تصير أخس و العن … الله المستعااااااان
كل نفسٍ بما كسبت رهينة
سؤالي هو … شو تقولون لهالانسانه ………..؟؟ كيف توقفونها عند حدها ؟؟
بو طبيع ما يجور عن طبعه
واحسن طريقه انج تتحاشينهاا والله يعينج الصراحه عليهاا
هذى مرض وآفه على المجتمع
أنا أقولج.. عاملوها عادي ولا كأن بينكمـ شي..
حاولوا تهدونها هدايا من مجهـول أو بذكر أسماء (اللي يريحكم طبعا)
مثلا .. كـتاب استمتع بحياتك لـ محمد العريفي | يشرح فيه طريقة التعامل مع الناس
خذولها سيديهات التعامل مع الناس أو حتى عن تطوير الشخصية مع إهداء ثاني
ساعـة أو عطر وعطوهـا بنية حسنة..
ونحن سوينا هالشي والحمدلله أخلصنا النية لله
وسبحـان الله صار تحول عجيب في البنت بفضل الله أولا..
بقولج شي.. لا تيأسوووون أبدا.. لأن التغيير ما بيي في يوم ليلة..
لأن الانسان مخلوق على الفطرة السليمة
يعني أساسه طيب.. وإن شاء الله بترد لطبيعتها السوية..
،
دعواتنا لها بالصلاح
والله يعينكم خواتي
.
.
المشاركة الأصلية كتبت بواسطة MAHA21 
الله يعين الجميع ان شاءالله و عسى الله يصلح بالها و يهديها
المشاركة الأصلية كتبت بواسطة زم_قمر_ان بو طبيع ما يجور عن طبعه
واحسن طريقه انج تتحاشينهاا والله يعينج الصراحه عليهاا
هذى مرض وآفه على المجتمع
للأسف انه هذا في جو العمل يعني بالنهايه مضطرة اتعامل معاها
اتحاشاها دايما و اصلا خلاص مابينا اي كلام غير العمل ولاكن حتى مجرد شوفها يعكرلي مزاجي
لا ابغي اجابلها وحتى مجرد حسهاااا من بعيد يضيج بي ..
الله يعينها على وحدتها صارت غصب تتصنع الوناسة وانا ادري زين انها مالها غير علاقاتها الطيبه
فينا الي خلاص انتهت …. خل تنفعها انانيتها …
المشاركة الأصلية كتبت بواسطة جسر الأمل أنا أقولج.. عاملوها عادي ولا كأن بينكمـ شي..
حاولوا تهدونها هدايا من مجهـول أو بذكر أسماء (اللي يريحكم طبعا)
مثلا .. كـتاب استمتع بحياتك لـ محمد العريفي | يشرح فيه طريقة التعامل مع الناس
خذولها سيديهات التعامل مع الناس أو حتى عن تطوير الشخصية مع إهداء ثاني
ساعـة أو عطر وعطوهـا بنية حسنة..
ونحن سوينا هالشي والحمدلله أخلصنا النية لله
وسبحـان الله صار تحول عجيب في البنت بفضل الله أولا..
بقولج شي.. لا تيأسوووون أبدا.. لأن التغيير ما بيي في يوم ليلة..
لأن الانسان مخلوق على الفطرة السليمة
يعني أساسه طيب.. وإن شاء الله بترد لطبيعتها السوية..
دعواتنا لها بالصلاح
والله يعينكم خواتي
.
انا شخصيا ادعيلها دايما بس مبين انها هي نفسها ما ودها تتغير
فديتج هالاشكال ما يبالها الي ع قولت الاخوات اتطنشينها … وتراه ماينزعل من الحق ان رمست في حضورج نشي وابتسمي وقولي مدام ترمسين عن حد في غيابه انا مب مستعده اسمعج … ارمسي في وجودهن جان ترومين .. او دايما قولي دعاء كفارة المجلس بصوت مسموع … ومافيها شي حبيبتي جان كلمتيها وقوليها مالنا خص في خلق الله واذا كل ما رمست عن حد انتي نشيتي وغيرج سوى نفس الشي .. صدقيني بتتادب ومابترمس بحضوركن ..
وبعدين من هالاشكال وايد المهم انتي ما تتاثرين باخلاقها …. وماعليج غير السلام عليكم وعليكم السلام بس مب مجبوره انج اترمسينها ولا تضربين صحبه معاها خليها حق ربها … بيها يوم …
وحاولي حبوبه انه علاقتج في الدوام مع كل حد تكون علاقة زماله مافي داعي تكونن ربع وطلعات ومن هالكلام تراه الحريم والبنات ماي من وراهن غير القيل والقال … اقولج اياها عن تجربه انا الي ما تعيبني تصرفاتها بولبس مب محتايه حق ربعتها ولا ممشاها لا بتقدم ولا بتاخر في دوامي ولا حياتي ………
واقولج عن وحده انا اعزها الين يومج واحبها في الله بس يوم شفت عليها خرابيط انها تحب ترمس عن الغير وقيل وقال وسوت وزادوها ورقوها يابويه قلتلها في ويها ابويه انتي ما تنفعين لي وانا ماريد ارمسج … لين يومكن اشوفها في الدوام ومانرمس بعض … بس من داخلي وايد احبها واحترمها لانه بينى عيش وملح … بس انا مب مستعده اعور راسي في رمست حريم … كوني جيه ودوم الحق قوليه ولا تحاتين زعل الغير …
وربي يستركن من مشكال هالاشكال ……….
تحياتي ……..
لاكن غيرتها عمتها
اسمحيلي بس حتى السلام صرنا مانعقه عليها
ولاكنها موجودة لاكن فوق هذا للحين تتعمد تختلق المشاكل و ترمس من ورانا
و مانسمع غير انها تحش في حد
وتموت على غسييييييييييييل المخ …. لعبتها ….
بس والله ماقول غير اللهم لا شماته ربج فوق و الله شاهد انه يوم عن يوم
كل شي يالس يرد عليها و ضدها
سبحان الله
انما الاعمال بالنيااات و لكل امرء ما نوى