اليوم جبت لكم صور لـ بيت مصممة أزياء أمريكيه اسمها
Jill Stuart
والصراحه الهدف مهو انها يلله صور خـ نشوف وبس !
لا ،
لازم نلاقي شي نستفيده من الصور ،،، وشي يناسب ذوقنا ويعلمنا كيف نبرز ذوقنا بـ طريقه صح ،،،
يعني بإختصار الصور تعلمنا كيف نتجرأ ونبرز ذوقنا الخاص
بالنسبه لي الشي اللي إستفدته هو اني أحط نمط معين للأثاث الرئيسي ،،، أنا أحب الأثاث الفاتح والنظيف ، بس بنفس الوقت شوي أملّ وابي شوية فرفشه بالـ ألوان ،،، يعني أكسر النمط بـ شي Totally different
وهذا الشي حصلته بهـ الصور
فيه نمط وهو الألوان المحايده ابيض سكري بيج ، وكسرته واضافت لون بـ إستخدام المخدات والتحف واللوح ،،،
هـ الفكره ناسبتني لأن قليل ألاقي بـ محلاتنا أثاث يناسبني ،،، ما أحب الدفاشه والألوان الكثيره
وما أحب الزحمه بـ الأثاث ،،، أحب البساطه والترتيب ،،، وهالشي نااااااادر بمحلاتنا ،،،
دايما نلاقي الـ أشيا اللي يمكن يسمونها فخمه ،،، مذّهب واشيا تعور الراس
وما ناسبني اللي محلات قليله مثل KA ومرات ايكيا الاقي فيه قطع مرتبه ،،،
ومرات من كثر الـ دفاشه اللي أشوفها بـ كل مكان أحس إني شوي افقد الثقه بـ نفسي وأحس (ليش انا غير عن الناس )
بس لما أشوف هالصور أقول ايــــه فيه ناس نفس ذوقي ،،، ولما أشوف هالصور تنفتح نفسي وترجع لي الثقه بـ ذوقي
أدري انكم تحسون اني الحين ما عندي سالفه ابد
بس الزبده 1 ان الواحد ما يفقد الثقه بـ نفسه لأن اللي حوله غير (هم اللي غير مو أنا هههههه)
والزبده 2 ان الواحد لما يطالع صور ديكور ما يقول "ياااربي أبــــي" وبس !
لا ،،، لما أشوف صور ديكور أدور شي يعجبني ويناسبني وآخذ أفكار لو بسيطه وإستخدمها صدق بـ حياتي وبـ بيتي
خلونا نكون إيجابيين ونستخدم هاللي نشوفه 24 ساعه عالنت فـ تطوير حياتنا وبيتنا وأنفسنا
ياربي كثرت كلام :/
المهم
من أول صوره نلاحظ ان البيت FRESH مشرق منعش نظيف
صبغ الجدران لون فاتح
الستاير فاتحه ومحايده
الكنب أبيض سكري أحس ؟؟؟
لحد الحين الشكل باهت ،،، لكن إضافة الكوشينز الفوشيه والتحفه الـلي عند الشباك ولونها كحلي على أزرق ،،،
هنا نفس الشي ،،، القطع الرئيسيه بالأثاث (كنب ستاير أرضيه) كلها لون وشكل محايد وهااادي ،،،
أحس أهم Item بالصوره هو اللوحه الكبيره اللي من الأرض لحددد السقف
ولونها غامق عكس الغرفه
أنا حسيت ان هاللوحه هي اللي معطيه التأثير المميز والـ Glamorous
شي ثاني حلووووو هو فازات الورد ،،، كلها قزاز وشفافه
الطاوله قزاز وشفافه ،،،
هذا كله عزز التأثير اللي يخلقه لون الأثاث المحايد
من زاويه ثانيه
هالزاويه نلاحظ فيها Item واحد وهو اللوحه الخشب السودا !
الصراحه فكره جدا حلوه وغريبه
لأننا ما عمرنا بـ نفكر نحط هالخشبه كـ لوحه بـ بيوتنا
بس كان شكلها حلو ! لأن أول شي معلقه على ارتفاع عالي ، أعلى من مستوى نظر العين
ثانيا ، لأن اللون الأسود كان مستخدم باللوحه الكبيره
يعني ما جابو لون جديد تماما ،،،
ثاني شي الكنبه (مدري شاسميها) الجلد البنيه
هم إضافه حلوه وعطت تأثير مختلف للغرفه ، من ناحية اللون والقماش
very creative
صج بنات الغرفه لما تشوفونها أول وهله تقولون عاديه ومافيها شي غريب (لأنها متناسقه ومريحه للـ عين) بس لما ندقق بالـ تفاصيل نستغرب شلون قدروا يدمجون كل هالأشيا بطريقه مريحه !
غرفة الطعام
استخدموا نفس الـ elements أو العناصر ،،، اللون الأبيض ،،، الخشب الأسود
اللوحه بالـ لون الأحمر معطيه جو ثاني للطاوله ،،،
الثريا كلااااس الصراحه
هذا المطبخ ،،،
اللون الأزرق الغامج الطاغي فيه ،،،
مريح المطبخ
هذي أتوقع غرفة نوم البنت ،،،
الغرفه واضح فيها انها لـ بنت صغيره ،،، بس بنفس الوقت متماشيه مع المود السائد بالبيت من ناحية الستاير ولونها المحايد ،،، ومن ناحية اللون الأبيض (السرير والطاوله اللي تحت التلفزيون)
الـ master bedroom رااااااااااايقه
السجاده تعطي حميميه للمكان ،،، الفرش الأبيض ،،، الطاولات القزاز so glamorous الورد الـ Pink
لون الستاير نفسه اللون المحايد
اتوقع هذا المكان اللي يفصل بين غرفة النوم والحمام ،،،
استخدمت فيه لون الطاوله عشان يتميز عن باقي البيت ،،،
بس بنفس الوقت الستاير نفسها بـ باقي البيت ،،، يعني صاير الركن متميز لكنه related بـ الباقي
your bathroom~
آن شــآلله يعجبكم ~
تسلمين يالغااااااااليه عالصووووووور
بصراحه ذووووق مشااااءالله عليج
^^
تسلميييين اختي بس الصور صغيره شوي
تسلمين غلا
لأآ هنتن الســآع~