اخواتي العزيزات اطرح لكم قصتي الجديده
وارجو التفاعل معهاااا
اختكم نمله نحيفه
وبالقصه(دموع السماء)
انتظر الردود عشان انزلها
وابي اشوف تفاعلكم^_^
^^
والقصه بانزلها لعيووونكم
دمووع
الكاتبه:دموع السماء
عندما تحب…..
يراودك شـــــ ع ـــــور بالســــــــــــعاده
وتحس بانك تـ ح ــلق فوق السماء
وقلبك يرفرف فرحاآآآ
ولكن…
عندما يحصل الوداعـ ـ ـ ـ!!
فأنه يصــــــاحـــــــــــب مـــــــــعه احزاااااان كثـــــــيره
لاتنتهــــــــــــــي
وذكرى اليمه تبقى دائما على البال
فتدمع لها العين
ويدمي لها القلب…
في الرياض
(احدى القرى)
كانت تسكن هناك خالة تركي
وهي امرأه كبيره في السن اعتاد زيارتها عصر كل جمعه ويجيب معاه المقسوم من الرزق فلوس وفواكه ورز (المؤونه)
وهذي كانت" وصيه" امـــــــــــــه الله يرحمها…
تركي شاب مطيع خلوق وبر بوالديه عمره 30سنه وفيه قدر من الوسامه وعنده 5خوات وهم ساكنين بفيلا كبيره باحد احياء الرياض الراقيه..
___________________
الجزء الاول))
يوم الجمعه
بعد الصلاه..
ابوتركي:ها عسى شريت الاغراض اللي موصيتك خالتك عليها؟
تركي:ايه يبه …
ابتسم ابوه وحط يده على كتف ولده وقال: ونعم فيك والله ياتركي
..ينشد فيك الظهر
تركي ابتسم:الله يخليك
..وراحو لم السياره
*********
في العصر
نوره معصبه:وبعدين معاك
انا قايله اني بروح السوق اليووووم!!
تركي:لاوااالله يامدام انتي تعرفين يوم الجمعه انا بزي…
نوره وتحاول تكسر خاطر اخوها:يااااتريك يابعد حيي ان ماوديتني انت من اللي بيوديني؟؟
تركي:طيب متى الحفله؟
نوره:بكره…
تركي:اجل اوديك بعد العشا
نوره وكانها ماعجبها الوقت:خلاص ياتوتو يسلم راسك
تركي ضحك على اسم الدلع:هههههههههههههه توتو هااا
نوره: طيب متى بتمشي؟
تركي:الحين يلا مع السلامه
نوره:سلم على خالتي
تركي وصل عند الباب:خلاص يوووصل
**********
خوات تركي
وفاء الكبيره متزوجه وعندها بنت(ريناد)وحامل
وبعدها تركي موظف
بعدين نوف بالجامعه(هندسه ديكور)
وبعدين نوره ثانويه عامه (ادبي)
وساره باول ثانوي
واخر العنقود رهف بسادس ابتدائي ودبدوووبه
______________________
الجزء الثاني
قرب البنزين
يخلص وتركي باقي ماوصل
بقى ربع ساعه وراح على طول
لاقرب محطه وعبا سيارته ونزل البقاله ويوم شاف الحلويات تذكر خالد على طول….
خالد هذا جيران خالته
ولد اسمراني
وشقي بالمره
مابقى في وجهه مكان الا وفيه طيحه أوفقشه
والابقسه
ودايم يشوفه عند باب بيتهم
يلعب مع حمامته
ويسولف معها
وتركي يحبه حيل
المهم شراله حليب شوكلاته
وبطاطس ليز وعلوك ومصاص وووعبا له الكيس…
نروح لخوات تركي
وكل وحده محتااااسه حق حفله تخرج اختهم نوف
نوره قاعده توزع الورد بكل زوايا البيت
ووفا بكرشتها تحط المفارش عالطاولات
ونوف ماسكه التلفون تطلب معجنات وحلى وتجهز للعشا
اماساره حاطه رجل على
رجل و قاعده تتقهوى مع ابوها
جات وفا لمهم وهي معصبه وبايالله تمشي وقالت
:وبعدين ياساره!!
قومي معانا
ساره فقعت ضحك على مشيه اختها:هههههههه
وفا
عصبت زياده من اختها
قام قال ابوها:روحي معاهم اشتغلي يلا
مسكينه وفا
المفروض هي اللي ترتاح..
ساره:ان شاء الله يبه
في الزاويه البعيده
كانت رهف
مستانسه تاكل تشيبس وتضحك على اشكال خواتها
وشوي
الا تجيها حذفه من المخده
نوف :وانتي قومي يلاا والا على راسك ريشه!!
رهف يعنني زعلت
حذفت التشيبس
وركضت عند ابوها(ماتبي تساعدهم)
نوف:ماااالت بس
ساره:ياشين الدلع..ترى مو
لايق ابد …
رهف:انقلعي…
اول ماوصل تركي
وكالعاده لقى خالد قدامه
انننبسط خلود مره وضحك وبانت سنونه المكسره
تركي فتح يدينه وجا خلود مسرع ونط عليه
ولمه بقوه
تركي:وحشتني ياابو ظروس
خلود:وانت بعد بس قلي جبت لي ليز؟؟
تركي:وحليب شوكلاته بعد
خلود استانس وسبقه عالسياره ياخذ الكيس
وفا وتهمس لنوف:تعالي ابيك فوق..
نوف:وش فيه؟
وفا:موضوع صغير
نوف:مايتأجل؟
وفا:لأ
نوف:اجل يلا
_______________
الجزء الثالث
الخاله:ياهلا بالغالي ولد الغاليه
تركي:الله يسلمك..
وش أخبارك؟؟
الخاله:نحمده ونشكره
عااااد انا اليوووووم طبخت لك اللي تحبه
.. تركي:مرقوق؟؟
الخاله:ايه
تركي:والله ماتقصرين من جد انا اليوم جوعااان
جا بوقته
.. قعدو يتغدون وبعد الغدا شربو شاهي..
وبعدين فاتحت الخاله تركي بموضوع
ودها تقوله من زمان…
نوف:الشور يرجع لصاحب الشأن
انا ش دخلني
وفا:انا احس انها مناسبه لتركي
اخلاق وجمال وخفه دم ومن عايله معروفه…
بس
تعتقدين توافق؟
نوف:ريم خويتي من المتوسط وانا عارفتها زين واحس انها مابترفض اخوي
وفا:انا بكلم تركي اليوم!
نوف:لااا يالغبيه..
خليها بعد الحفله…
مو انتي قايله باخليه يشوفها؟
وفا:يااني بسوي صدفه ماحصلتش
حتى بالافلام الهنديه…
نوف ويدها على خصرها:وش بتسوين يعني؟
وفا بحماس:باخذ ريم معي المطبخ
تساعدني ونكتشف ان تركي هناك يشرب مويه!!
وانا بسوي عمري ماأدري…
نوف:ههههههه فكره ملعووونه..
وفا وتطق صدرها:افا عليك بس
وقامت متثاقله الخطى
ويوم جت بتطلع
نوف:اقووووووول
وفا لفت:هممم
نوف:
انتي صايره مثل الفيل….
ومسكت بطنها ضحححك
لماشافت وجه وفا
تغير
وفا عطت اختها ظهرها
وراحت
نوف :ههههههه….
نوره وساره قاعدين في الغرفه
حايسين
ساره:وش البس؟البدله البيضاء او الوردي؟؟
نوره:البيضاء افخم
طيب انا وش اسوي بشعري
بالبس ذهبي
ساره:جعديه يطلع حلو
نوره:اممم باشوف
الخاله:ها وش رايك؟
تركي:افكر…
الخاله: ياتركي ودي اشوف عيالك قبل لا اموت
تركي:بعد عمر طويل ان شاء الله
الخاله:وترى العروس جاهزه
تركي:اهااااااا قولي
كذا من اول..
اتاريك حاطه عينك من زمان..
طيب طيب قولي من هي؟؟
الخاله:بنت
جارتي واسمها العنود..
اخت خالد
….ياوليدي انت تقوم فيني كل جمعه
وهي طول الاسبوع تقوم فيني
وتطبخ لي
والله انها سنعه
حتى ابر السكر تعطيني اياهم..
.والله اني
احبك واحبها
واتمناكم لبعض
تركي: خلاص انا بافكر بالموضوع
بس مو وعد
الخاله: اللي تشوفه…
تركي: في أمان الله
الخاله:مع السلامه
تركي وهو طالع ماشاف
خالد وكان يبي يسلم عليه
راح لم البراحه اللي ورا بيتهم
و ماانتبه الا على شيئ
واحد…
!!!!!!!!!!!!!!