واتعرفون معلومات دقيقه من المصدر
اول مره اصبت كان سنة 99مع حملي وكان الالم بسيط جدا مع كم تحميله وكريم خف
في 2024حملت وبعد صار عندي بواسير وكان شوي مزعج اكثر من الاول لكن الالم كان محتمل
الدكتوره قالت هذا بواسير الحمل وبروحه يروح بعد الولاده وما يحتاج جراحه يعني نفس سكري الحمل
لكن ها السنه ومن شهر الله لايرويكم الام فضيعه ونزف سرت عند دكاتره وايد تحاميل كريمات ملينات
ماشي فايده شو اسوي مب قادره اتحمل اتصلنا بالدكتور جهاد شرحنا له الوضع واني توي حامل
قال عادي الليزر ما يضر في الاشهر الاولى
سوى لي عمليه يقول تخدير موضعي لكني حسيت فيها بالكامل وايد اتعور
المهم خبرنا انه بعد الكشف طلعت عندي بواسير درجه ثالثه يعني جديمه وما ينفع معاها الليزر
فسوى الحلقات الكبس وعطاني حبوب قاتله للالم ومع السلامه
شو اقول لكم خمس ايام وانا اتقطع من الويع ايلس في ماي وملح احط التحاميل المخدره اخذ الحبوب ماشي فايده اصيح صياح من الويع
راجعته صراحه الدكتور فنان وتعامله راقي وتراجعيه باي وقت بدون موعد
قال مو معقول خمس ايام وانتي تتالمين يمكن المنطقه التهبت
يا ويلي سوى لي عمليه ثانيه عشان يخوز الالتهاب موت هلاك عذاب ماشي تخدير اتحسين وهو يقطع لحمج اوني ها العمليه التخدير ما يخليهم يشتغلون زين
المهم ها المره كتب لي مضاد حيوي وحبوب تسرع بالشفاء واتمنى لي السلامه
ولين الحين اواجه صعوبات في الاخراج والام والدكتور يقول ان الالتهاب بيخلي الالام اتطول لين ما اتروح
وانا صابره وصدقوني ما احط اي شي على الدكتور لكن نصيبي لاني ما عالجت من البدايه
ولاني حامل فما يقدرون يعطوني ادويه قويه
انصحكم خواتي ما تتاخرون وتسوون العمليه بسرعه
ارجوكم ادعولي الله يعافيني وان جنيني ما يضره شي والله يتمم علي حمله ويسهل ولادته
احنا البواسير وراثه عندنا الله يعافينا
ويخليلج البيبي ربي يحفظكم من كل ثوء^^
الله يعافيكم ان شاء الله
انزين سووا العمليه ولا اتحاتون انا كنت حاله خاصه
حتى ريلي يسال الدكتور ليش ناس يسووها وترد
قال يمكن يسوون في وجود شرخ واحد وبعدين يستوي الثاني فيحتاجون جراحه ثانيه
لكن اطمن زوجتك عندها ثلاث شروخ وها المنطقه ما يستوي فيها اكثر من ثلاث
وعالجناهم كلهم وان شاء الله ما بتحتاج لاي عمليه والله اعلم