جدول متكامل للعروس خاص بليلة العرس فقط . موضوع متجدد

السلام عليكم …

ابارك لكل بنت … بتعرست او بتنخطب .. وادعي من قلبي لكل بنت ماياها نصيبها الين اللحين انه ماتم هذي السنه الا انه الله يكرمها ويوفقها ويرزقها بالزوج الصالح … اللهم امين واجمعين يابنات ..

موضوع ياغاليات … اتمنى الكل يشارك فيه … هو خاص باحداث واجدد الموجود على الساحه من قاعات .. مسكات .. كوش .. فساتين والوان … يعني اتمنى يكون خاص بتجهيز ليلة العرس .. سواء كنتي انتي من اختار وجهز للعرس او سمعتي او ربيعتج نصحتج … او كان عرس اخوج كله يفيد وينفع ..

اول شيء شو اخر واحدث ديكورات الاعراس … اذا عندج صور او افكار او شفتي شيء ضيفيه … بتفيدين فيه البنات !!

يعني عطينا رايج بخصوص القاعات وشو مميزاتها … ؟
اسم القاعة ؟
مكانها؟
مميزاتها ؟
واذا كان عندج خبر عن تكلفتها؟

بطاقات العرس .. انواعها ..
وين سويتهم ..
شو الانوع .. عادي ولا قسمتي يعني شيء في اي بي وشي عادي ..
بطاقات للدخول ..
كمية البطاقات كفت ووفت ولا نقصت ؟

محلات الكوش وتزيين القاعات …
اسم المحل ؟
اسعارهم ؟
تعاملهم ؟
هل تحسين انهم عطونج الشيء اللي كنتي تبينة ؟؟ عطينا نسبة من 1 الين 10

محلات الورد والمسكة ..
وين سويتيها ؟
وين زينتيها بالورد ؟
كم كلفت ؟

الفرق او الدي جي او ….. الخ
شو اخترتي ؟
اسم الفرق؟
كم خذوا ؟
هل كانوا ممتازين او ماراح تسوين لهم دعاية ابداً ؟

صبابات القهوة والتقديم والتوزيعات …
وين كان ؟
كيف كانت الخدمة ؟
كم سعرهم ؟
هل حسييتي انه الناس اشكروا عليهم ؟

واخيراً شو الاغلاط اللي ارتكبتيها وتحسين انج المفروض كنتي ماتسوينها ..

تكاليف
وقت العرس
القاعة
وكل شيء يخطر على بالج …..

تنبية ::: اللي ماتعرف يابنات … ترفع الموضوع للاستفادة العامة …. واللي تحس انه عندها اضافة انا غفلت عنها .. تحطها مشكووووووووووووووره ..

طبعاً انا ببدى بنفسي وبحط لكم اكثر الاستيالات اللي عيبتني … وناوية امشي بنفس النظام … الله يعلم مسارت عرس لي اكثر من سنتين … بس حابة اشارك باللي اعرفه وافيدكم …
خليجية

امممممممممم بعده عــرسي بس بقــولج باللي أعرفه ^^

اول شي : قـــاعة فندق شاطئ الراحه بوظبي .. اصراااحه عوووده وراقيه وديكورها وااايد حلو وراقي ..

سعرها .. يعني احس انها وااايد مناسبه اسعارها يعني .. يحسبون بالشخص .. عندهم 175 .. و 150 .. و95 درهم

وانتي ع حسب المنيو اللي تبينه وعدد الاشخاص بتطلع تكلفة القاعه كلها ^^

بــطاقة العرس :

امم بما ان الدارج هاليومين الخشب فا ان شاءالله بتكون شرات بوكس خشب وبداخله ورقه مكتوب عليها ..وان شاءالله

من تــوصل بصورها وبحطها ^^ وسوينا كلهم نفس الشي ماشي في اي بي وعاادي .. وكنا بنسوي بطايق دخول

حق اليهال بس مافيينا على حد يــزعل خليجية وسويناها في مصنع في الشارجه اسم المحل البنفسج وتقريبا سعرها 13 درهم..

محــلات الــكوش :

اســمه الليله الكبيره للاعراس .. وبما ان اهل ريلي متعاملين وياه من قبل فا يعطونا سعر زوين .. وتعاملهم الحمدالله

اشووفه زين لين احينه ^_* واما عن الكوشه فا خايفه ان ماتطلع شراا ماابا لاني انا اللي ضايفه وااايد اشيا

وبيسووونه الشي اللي اباااه مخصوووص فا عسب جذيه السعر بيكون اغلى شوي .. وان شاءالله تطلع شرات ماابا

محلات حق المسكه :

بعدني اصراحه مادورت .. بس حاطه كمن محل في بالي .. شرات السفير بوظبي وامــاني والباقي نسيت اساميهم ^^

عن الفرق .. :

يــايبينهم من بـــرع .. من الســعوديه ^_^

الصبـــــابات :

اتفقنا ويا محل الكوش انهم اييبولنا .. وخدمتهم كانت زينه في عرس حميي .. وبـــلبسهم شرات ثـــيم عــرسي ^^

واصراحه ماعرف عن اسعارهم ..

وبس .. وان شاءالله ماتكون شي اغلاط سويتها ويارب يكون عرسي مثل ما أأبا يــــارب ^_^

بعض الاضافات اللي اخذتها من ردود البنات … اتمنى تفيدكم ..
ما اعرف شي عن الاسعار الأن عرسي مب قريب
المهم في محل ( تبر ) في الشارجه
عندهم اشياء روعه و فخمه و على حسب ميزانيتج
و صاحبة المحل مواطنه و شغلها روعه و نظيف