كل يوم اقول بحط لبنات منتداي الغالي جدولي للعناية بالبشرة … الوجه والايد والقدم والجسم كامل …
بس اتعايز اصور واحط لأني ادور في النت ما احصل على صور المنتجات اللي استخدمها
بشرة الويه
المهم بخبركم عن بشرتي
كانت دهنية وايد بس الحين صارت جافة
لهالسبب صار الاهتمام فيها مكثف منعا من ظهور التجاعيد
اسوي فيشل كل 6 شهور كنت اسويه كل شهرين بس بعد زيارتي لدكتورة جلدية في مستشفى الخليج التشخيصي قالت بشرتج ماتحتاج فيشل كثير
بس كتبت لي بعض الكريمات
اولا سيروم منع التجاعيد الدكتورة قالت ما تحتاجين له بس شكلج فيج وسواس خخخخخخ قلت لازم اهتم بنفسي
الفجر اغسل ويهي بصابون بيزلين بالعسل
و بعد مايروح ريلي الدوام احطه لأنه يكون نفس الطبقة الشفافة ع ويهي واستحي ريلي يشوفني
للظهر بعد صلاة الظهر احط قناع يوم الاحد قناع الشاي الاخضر الاربعاء قناع الشوفان من نزيه
بعدها احط كريم تصغير المسامات
بعدها بربع ساعة كريم النهار
العصر والمغرب ما احط شي نجي للترطيب الييلي اول شي اغسل ويهي بصابون العسل من بيزلين واحط زيت فيتامين اي وبعدها كريم الليل
اووووه نسيت منطقة العيون لما احط كريم النهار وكريم الليل احط كريم منطقة العين من خلاصة الخيار والبابونج من نزيه
طبعا كل مرة اغسل ويهي ارش عليه منقوع المر مع اللبان وايد يشد البشرة وبعدها بربع ساعة احط الكريم اللي اباه
وكل مرة احط قناع لوجهي احط كمادات ماي الورد لعيوني
الايادي
والحين جا دور الايد اللي ماخليت شي اللي اجرب فيها الغالي والرخيص
دايما افرك ليمون مع ملح
وسويت طريقة ام شوق خلطة صابون دوف
وهذا كريم استخدمه فالليل
وهذا الجل وايد احط منه
الارجل
والارجل عندي الحمدلله ماتعاني ابدا من مشاكل وايد وناعمة وايد احافظ على ترطيبها
طبعا الباديكير والمانيكير مرة في الاسبوع
الجسم
استخدم له خلطات بروحي اسويها السدر مع الحليب
الطين المغربي مع ماي الورد والحنا المغربية مع الصابون المغربي
ويوميا افرك جسمي بملح اليوكو
والشي اللي ما استغنى عنه الحمام المغربي كل اسبوعين مرة
بخصوص الترطيب استخدمت وايد انواع ما ارتحت الا لهالشيئين بالليل استخدم الجلسيود مع الليمون
وبعد ما اسبح جلسرين مع زيت الجلسرين
وهذا جدولي اتمنى من كل وحدة اول شي تخبرني برايها فجدولي
وبعدها تخبرنا بجدولها واتمنى بالصور عشان الفائدة تعم
الموضوع متعوووووووب عليه وايد لهالسبب مابى نقل لمنتدى ثاني بدون ذكر المصدر
او ان وحدة تدخل بدون ما تقول اي كلمة
اتمنى كلامي ما يزعلكم
بجرب و بقولج شو صار ويايه
استخدم الديرم والله يعطي لون طبيعي للشفايف وحلو
والمرطب من بلمرز
وبعدها احط هذا
من وين تاخدين جل الجلسرين لليد