وقبل لا تبدأين بوضع اثاث الصاله هاتي ورقه بيضاء وارسمي فيها كروكي بسيط للمكان من بيبان او نوافذ ووزعي الاثاث من كنب وطاوله ومكتبه وتلفزيون .وهذه الخطوه راح تعطيكم افكار كثيره وراح تندهشون من التصاميم الكثيره الي راح تطلع معاكم في توزيع الاثاث.
ترتيب الغرفه بحسب حجمها
الحجم الصغير..اذا كانت مغلقه راح يكون الكنب فيها بجانب الجدران وطبعا ما راح يزيد عددها عن الاربع كنبات من مفرد ومزدوج او ثلاثي ..والتلفزيون راح ياخذ زاويه او مقابل للجلسه بس بمكتبه صغيره او كنب مربع على شكل خداديات وهذه الاخيره مناسبه للصالات الصغيره لانها تعطي خدعه بصريه للناظر بان الغرفه كبيره نوعا ما ..وطبعا الالوان الفاتحه والخداديات الملونه تساعد باعطاء حجم للصاله .
الصاله الصغيره بس المفتوحه ..الحلو في الصاله المفتوحه انه من الممكن التحكم بشكل الكنب وعدم التقيد بحجمه لان المكان مفتوح وما راح يأثر وايد في شكل المكان والاحلى لو كان موديل الكنب متصل ودائري ..واذا اتبعتوا نصيحتي في رسم كروكي بسيط للصاله مررو خطوط بالقلم الرصاص بين الاثاث والممرات المفتوحه بالصاله بحيث يقدر الشخص يمر بحريه بين الغرف والصاله.
أساسيات لازم ننتبه لها أثناء التأثيث
أساسيات لازم ننتبه لها أثناء التأثيث..
#الجلسه او الكنب لابد من وجود نقطه تمحور يعني هل سيكون هناك شيء معين راح تكون الجلسه باتجاهه كمدفأه او تلفزيون ؟
وهذه تسمى نقطة التمحور او نقطة التركيز لان كل الكنب راح يكون باتجاهها حتى يسمح للكل بالارتياح وقت الجلوس .
#عند وضع الاثاث ابدأوا بالاكبر حجما كالتلفزيون او الكنبه الكبيره ..والباقي راح يكون اسهل .
#لما تختاروا مكان للتلفزيون اختاروا مكان غير مواجه للنافذه ( الشباك ) لانه راح يعكس اشعة الشمس وبالتالي راح تكون في صعوبه برؤية التلفزيون خلال النهار .
#انتبهوا الى ان تكون الكنبات بعيده مسافه جيده عن التلفزيون .
#الجلسه لازم تكون مناسبه لاهل البيت وللزوار ..يعني الكنب من الافضل انه يكون مقابل بعض حتى يمكن للجالسين التحاور بطريقة سهله ومريحه مو كانهم بغرفة انتظار او بناصيه شارع..يعني بين كل كرسي والثاني مو اكثر من 8 أقدام.
# في الصالات الكبيره لا تخلون الاثاث لاصق بالجدران لانه بالطريقه هذه راح تتركون فراغ كبير بالوسط مو عارفين كيف تملونه…وشوفو ا بنفسكم ..الرسم الاول قريب من الجدار …والثاني تغير الوضع مع ابعادها عن الجدار .
#طاولة الشاي او الطاوله الوسطيه لازم تكون بعيده عن الكنب مسافه 18_14 انش.
# الطاولات الجانبيه الصغيره لازم تكون بنفس مستوى الكنب .
# لتحقيق التوازن بين الاثاث لازم يكون بجانب الكنب الكبير او مقبله كنب صغير او كراسي .
#في الصالات المفتوحه على غرف الطعام حاولوا تكون الغرفتين متوازنتين بالاثاث يعني مثل ما ركزنا في الجلسه على التلفزيون والي سميناه المحور راح نضع خزانه بجانب طاولة الطعام للصحون مثلا.
# افصلوا بين غرفة الطعام والصاله بجلسه مكونه من كرسين مثلا مواجه للغرفة الطعام او بحاجز زجاجي ..او اي حاجز انتوا تبونه بس ما يكون عالي .
# استخدموا سجاده لكل غرفه مختلفه عن الثانيه…للتفرقه بين الغرفتين.
# اخلوا المدخل من اي اثاث حتى يكون التركيز على الغرفتين ولعدم خلق زحمه بالمكان
تسلم يمناج الغالية
