خواتي …. حبيت في هذا الموضوع ان كل وحده فينا تكتب تهويدة طفلها أو التهويده الي حافضتنها….
الي طبعا تعودنا نقولها لأخوانا الصغار و عيال اخوانا أو أي طفل م الأهل…….
.
و التهويده هي عباره عن الأغنيه الي نغنيها للياهل…..
و ممكن تكون من التراث …. و في الي يألفون لعيالهم أغاني….
.
أنا بشجعكن و ببدأ بالتهويده الي أقولها لولدي خالد…
و أعتقد انها من التراث لأني حافضتنها من و أنا صغيره…….
(خلودي دقداقه… يشرب حليب الناقه…يوزوه حرمه زينه… يصبح تجحل عينه….)
و في وحده ثانيه أمي دومي تقولها للصغاريه
(لا اله الا الله……محمد رسول الله….لا اله الا الله….خلودي من عند الله)
(لا اله الا الله…..محمد حبيب الله……لا اله الا الله ….خلودي حبيب الله)
يله دوركن……
و الي ما تعرف على الأقل تعلق على الموضوع و ما تزعلني و تمر مرور الكرام
تنويه..ما أسامح أي وحده تنقل الموضوع لأي منتدى ثاني بدون ما تذكر المصدر الأساسي..أم خالد أو moonmoons5
وأمنيتي أول شي يحفظه القرآن
[08]عبودي عمره سنه ونص[/08]
الله يخليلج عبودي و انشاءالله تشوفينه إمام للمسلمين
أنا دوم أدعي لولدي بها الدعاء(الله يخليك إمام للمسلمين)
مشكوووره ع المشاركه
أم خالد
حمووودي حبيبي،، حمووودي حياتي ،،حمووودي غناتي ،،حمووودي فديتااا
يعني جي
وعلى اسم ذياب ولد اختي
نف المنوال،،
ذيووبي حبيبي ،،ذيووبي فديته ،،ذيوووبي دلوعي ،،
وأحســـــــــهم يستاانسوووون وااايد خاصه يوم يكون بنبره وتبتسمين لهم
نامي نامي دندونة
انتي حلوة ومزيونة