تنفيذي لسويس رول الغالية شوكالاته

السلام عليكم ورحمة الله وبركاته،،،

حبيت اخبركم عن تجربتي ويا الوصفة،،، كانت مذهلة،،،
اول ما شفتها طبقيتها في نفس اليوم وانصدمت يوم شفت النتيجة لانه كنت دايما اتخيل
انه السويس رول من اصعب الوصفات وكانت جدا هشة وطرية،
وأفراد عايلتي يوم ذاقوها وايد عيبتهم خصوصا اليهال وزوجي بعد،،
واليوم الثاني سويتها بعد لبيت الوالدة وكلهم مدحوها وايد لدرجة انهم تحروني شارتنها،،،
واليوم الثالث وصيت الخادمة اتسويها لأنه اختي تمت تتحلم فيها
وطلبتني ازهبلها إياها عجب الدوام،،،

بس على فكرة،، انا اضطريت اني اضيف نص جلاص حليب سائل على خلطة صفار البيض
لانه الخليط ما طلع عندي بنفس الشكل المطلوب بعد إضافة الطحين،،،
وبعد إضافته اصبح الخليط مناسب جدا
ومع انها مب بنفس الطرواة اللي شفتها في الوصفة الاصلية
بس كمبتدئة اشوف عمري بدعت الصراحة وانا اللي ما احب المطبخ
وبتلاحظون انها شوية رطبت من فوق لاني يوم طلعيتها من الفرن حسيت ما يحتاي انثر طحين تحتها،،،
لكن من اخطائنا اكيد نتعلم

حبيت اشكر اختي الغالية شوكلاته على وصفاتها السهلة واللذيذة في نفس الوقت
وننتظر منها المزيد،،، اتركم مع الصور،،،،

اهنيه اول ما لفيتها بعدني ما قصيتها عدل،،، وعفوا السكينة لم تكن حادة كفاية

على العموم ،،، الوصفة على هذا الرابط