تنظيف الاطفال

وين بلاقي كيلوت(هاف) بلاستك او نايلون عشان تنظيف الطفل ويصير يروح الحمام (اعزكم الله)
دلوني باسرع وقت لان لازم اعلم بنتي

موجود في جميع محلات مذركير بس انصحك لا تبدئين الحين التدريب على الحمام لان الجو بارد وما يساعد الطفل على قبض عضلات جسمه لين اروح الحمام أجلي الموضوع لبعد الشتاء

الغاليه اذا كنتي في الشارجه فأنصحج تسيرين وتاخذين لها من مركز الغرير اللي في الروله ^^
كل 3 بــ 10 .. سعر اقتصادي وممتاز ^^ جانب واحد نايلون والثاني قطن ^^

و بخصوص التديب بامكانج تبدين الحين بس بشرط تخففين لها السوائل يعني لا تشربينها عصير بكثره لانه مدر للبول عزج الله و اكتفي بالشوربات والماي و الحليب واللبن ..

و ما عليج ان شاء الله اشوي اشوي وبتتعود اهم شي تطولين بالج عليها و تحسسينها انج قرفانه منها يوم توسخ عمرها علشان هي بعد تنقرف من عمرها وتلوع جبدها و تحاول كل ما حست بشي تركض الحمام علشان ما تتوصخ ^^

والله يعينج ^^

الله لا يحرمني من صحبتكم شكرا على الافادة.