مرحبا خواتي بنتي عمرها شهر كم يوم لاحظت ان رجلها متقوس شويه
شو الحل هل فيكم صار لطفل تقوس
سؤال الثاني عند تطعيم اي طفل صير له بعد التطعيم حرارة شو الحل شو نحطي ع موضع االبرة
وديته عند دكتور عظام قالي ان التقوس خفيف وما يحتاج علاج لين الثلاث سنوات بروحها الريل بتعتدل .. واذا ما اعتدلت رديه .. بس الحمد لله من كمل 3 صارت ريله طبيعيه …
عرضيها على دكتور احسن علشان تطمنين …
وعن التطعيم ناس تقول كمادات دافيه وناس تحطي فكس للاطفال طشونه يعني ..
بس انتي عطيها ادول بعد التطعيم على طول واستمري عطيها كل 6 ساعات لين 24 ساعه
وعن التطعيم ايه يصير حرارة
نحن من نرجع من المستشفى انحط فكس مكان الابره وندلك المكان وحق الحرارة في تحمليه ادول حق اليهال الصغار 125
حبيبتي أطمنج
بالنسبه للتقوس لا تحاتين
ولد أخويه كان عنده تقوس
ويوم كبر ما شاء الله عليه ماله أي أثر
و عن التطعيم.. من يكمل ساعه من تطعيمه عطيه نص مل بندول مال الاطفال كل 6 ساعات مدة يوم كامل..
و حطي على مكان الابره كمادات دافيه و يوم يتخلصين حطي عليهم شوية فكس..
انا سويت جي حق ولدي و الحمدلله ما يته حمى ولا استوتله كسره بريوله…
يعني كالسيوم بس ما ينفع… لاااازم فيتامين د واللي يتكون بشكل طبيعي من تعرض الجلد لاشعة الشمس مباشره بدون ملابس.. حليب الام يحتوي على فيتامين د بس الشمس ضروريه للرضع وحتى الكبار
وبخصوص الابره… طبيعي اليهال تييهم حراره وحمى عقب الابره.. بس عطيه بندول اطفال او حطيله تحاميل اطفال للحراره.. مكان الابره حطي كمادات دافيه وسوي تدليك خفيييييف بقطرة زيت زيتون